عواض بن سويلم
عسى ربي يردك بالسلامه
عسى ربي يردك بالسلامة
يا أبو رمشٍ مثل ريش النعامةيشين الدار يوم أقفيت عنها
بعد سافرت منها لليمامة
حبيبٍ قبل ما حبيت غيره
وحبه راسمن بالقلب شامةوصوفه ما يحددها الموصف
لكن باختصر: مربوع قامة
ولا غرنٍ ليا منه تبسم
ما تدركها عن العين اللثامةوأنا أول ما مكني بالمحبة
بنظرة عينٍ واتبعها ابتسامة
وبعد فرقاه يقضي الوقت صامت
أخاف من المنافق والملامةوبغيت أصبر وكن اللي حصل لي
لكن الصبر له حدٍ وعلامة
وأنا إحساسي رقيقٍ ليا تحرك
وناحت لي على الغصن الحمامةوصحيح الحب احاسيس ومشاعر
وعزيز النفس ما ينقص مقامه
وأنا ما أخبر بسري كل واحد
أموت بعزتي مرفوع هامةوبعرض قصتي على حبيبٍ
سلالة من يفكون الجهامة
عسى رايه يفرج همي اللي
يجي من نجد ما أدري من تهامةينومسني ليا مني نخيته
وعسى دعواي تحظى باهتمامه
جاد الشعر بألوانٍ كثيرة
وطور مستوى الشعر ونظامهوحفر في لوحة الشعار لاسمه
وغيره ما تحقق له مرامه
أسلوبه مرنٍ وقت المرونة
وعلمه عالٍ يا سرع انتدامهوقليل القول يكفي عن كثيره
ما في كثر الكلام إلا الندامة
وأسأل الله يغفر لي ذنوبي
ويهديني طريق الاستقامةوعلى المدثر أصلي وأسلم
أبي شفاعته يوم القيامة
ردّ حبيب العازمي
حبيب العازمي
رد على عواض-عسى ربي يعين الي منامه
عسى ربي يعين اللي منامهتكدر والسبب زايد غرامه
يقول إنه بعد فرقى وليفهغشى فكره من الفرقة غمامة
وعاف الدار وأهل الدار فيهاهذا موجز ملخص من كلامه
وبعد سافر وليفه من ديارهيقول الليل قيدني ظلامه
وأنا والله ما ألومه، ليه ألومه؟لكن اللي رحل ما أدري علامه
وأنا مدري جفا ولا تغليولا أدري من زعل ولا غشامه
وما دام إن السبب ما هو بواضحعلى عواض حبه واحترامه
وصحيح الحب يا عواض بلوىوعزيز النفس مصيون الكرامة
لكن اصبر وسدك لا تبيحهلابد الجو يصفي من عسامه
وعشق اليوم مثل اليوم بكرهوكم من عاشقٍ طوى خيامه
وخذ مني عبارة، والعبارةتجيب من الخبر ذروة سنامه
ابن عمك ليا منك نخيتهعلى جنبك رصاصه في حزامه
وأنا خابرك يا عواض وافيوكفو للتحدي والزعامة
تحوش المرجلة يمناك يليبعيدٍ عن الملامة والرخامة
وشاعر تنقض المعنى وتفتلوأنا أطلع حلاله من حرامه
وأعرف اللي يحكمون المعانيوعلى المخطي يحطون الغرامة
ولا أنظر للذي ما هو بشاعرولا له لا شدادٍ ولا مسامه
ولو إن الصوت صوتٍ بدون صورةصدى البحرين توحيها المنامة
ورجالٍ كسب له علمٍ طيبوهو يستاهله يلبس وسامه
هذا وأسلم، وقل له عز ربعي،أبو فيصل يبلغكم سلامه.