ضيف الله بن سويلم العتيبي

آه يا قلبي اللي فيه مثل الحريقة

آه يا قلبي اللي فيه مثل الحريقةمن هموم تجي من شرق مدري شمالي

كل لحظة تمرّ وتنثني في دقيقةواهني الذي قلبه من الهم خالي

صرت أفكّر وجا فالرأس مثل الشقيقةما غدالي صديق وكن شي غدالي

صارت المشكلة بين الرفيق ورفيقهوبعض الأقصين خير من الرفيق الموالي

قام يعزف لحنها مثل عزف الموسيقةسالم الزير غني لأبو زيد الهلالي

وكل واحد على ما قيل جهّز فريقهيا الله أصلح عبادك يا عزيز الجلالي

فالسوالف خيال وفالسوالف حقيقةوالحقيقة تقرّ لها عقول الرجالي

أتشرّه على من باع رفقة صديقهباعها بالخسارة ما كسب رأس مالي

ما نبا للرجال أهل المروات ضيقةمير مطلوبهم بالحيل صعب المنالي

ما بقي غير تاكلنا السباع المويقةكان ما ننتبه للغدر والاحتيالي

ما هضمنا حقوق ولا سرقنا سريقةولا نحلّل حرام ولا نحرّم حلالي

طالب الحق يبشّر بالوفا وتغليقهمن طلب قرش ندفع له بداله ريالي

وكانت أسرارنا في وسط بيرٍ عميقةوثقل ربعي منوّل مثل ثقل الجبالي

الزمان اختلف وإلا البلا في الخليقةالقشر في البشر وإلا الليال الليالي

يا عوض لو طمع مسلم بسالم شقيقهعاقبتها وخيمة يا كريم السبالي

من يوقّق مابين الناس لأحسن طريقةويكسب الطيبة ما فيه شي محالي

لا يغروك ناس شكّكوا في الوثيقةالوثيقة صحيحة لا لبس لا جدالي

يا حبيب دغيم اليا اعتزا أخو مضيقةفي حلول القضايا الشائكة ما يبالي

ويش رايك بعثت لك الحروف الرقيقةحاول إنك تحل معقّدات الحبالي

لو صبرتوا على ما صار صبري ما أطيقهمشكلة داخلية بين غالي وغالي

ردّ عوض بن غالب

عوض بن غالب

رد

جت حروف جداد من اليدين الطليقةمن رجالٍ ثقاة ودّها كل عالي

أفرحتني رسائل منتقين العشيقةوصل الأرحام عادتهم وفكّ التوالي

بس في وسطها سيف يروع بريقهيقطع الرأس حدّه لو عنقه جلالي

من يشوفه لياسلوه يشرق بريقهلو ما يضربه يطمع منه بالزوالي

وهينه كان ما جاء من وراها لحيقهيا عسى الله يعدّل الميل بالاعتدالي

يوم نادوني أصحابي بصوتٍ صليقهفي جبال المدينة مثل صوت الملالي

لوما أريد تجديد العلوم العتيقةمير أبا أهرج بعد جاء للسوالف مجالي

وأنت يا شيخ في رسلتك نوع تعليقهمثل راعي السوالف طقّني واشتكالي

أنت لبستني ثوبك بوسعه وضيقهكيف ماني طويل البس ثياب الطوالي

ما تفنّنت في لبس الثياب الأنيقةثوبي أبيض ومرتاح على ستر حالي

وانحدار المذاهب كالجلود البهيقةمالها طب غير الموت قصف المهالي

ثم إشارتك في معناك يم الحديقةوأنت توك بذرت البذر يا بن الحلالي

تا تحت النبات من الغصون الوريقةفيك عزم بالاستيصال با هملالي

كل بيت يشدونه بطلب وطريقةبس فيه العمود اللي عليه احتمالي

سال من هو عمود البيت وقت السبيقةماضي الوقت يوم الحل والارتحالي

يوم ضرب الهنادي في الجبال الشهيقةمثل ضرب الصواعق من عروض الخيالي

أنت معدنك طيب وأصل ما هو لفيقهقدرك أرفع من الطمعات وإلا السؤالي

كل نفس على كسب المدايح شفيقةبس يرضى بحقه كل رجل مثالي

والمحبة تجي دام الروابط وثيقةوالسيادة تقطع مبرمات المدالي

كان فزعت عربنا لأكلنا مستفيقةياخذون أبلنا ما دونها إلا القتالي

طلعتك الحمية من معارض سويقةما معك من سويقة غير رأس الغزالي

هونوا هونوا يا هل الأصول العريقةربعكم مثلكم ولهم وراكم مفالي

احذر الحب عقب الطحن تنثر دقيقهوجعل قلبك مجارٍ من الحرق يا الهلالي