ضيف الله بن سويلم العتيبي
القاف الاول عاسفينه على سيف
القاف الاول عاسفينه على سيفوالشطر الاخر موقفينه بغني
إن ما عسفت القاف جاله عواسيفوان كان ما غنيت غيري يغني
كم من نجومٍ من تهامه اليا السيفكواكبٍ على الكوكب طغني
انا على الطيب كثير التحاسيفوشرد القوافي روحن ما بغني
حاولت أعدل ارقاب الاصعاب بالسيفيا دوب لدن يمنا واصطغني
ترايعت مثل البكار المعاسيفحرايرٍ عقب التعصوي رغني
وعقلتهن ماهي هروجٍ سفاسيفدغدغتهن لين انهن دغدغني
تهدى لابو ريان من غير تأسيفالشاعر اللي من مغنه مغني
رجلٍ يحط الحيل فوق المناسيفوعنده دلال الهيل ما يفرغني
يشكي من اللي نسف الهرج تنسيفعدة شكاويٍ للفهيم ابلغني
ياجاهلٍ فالوقت ابا انصحك بيسيفصبرك ولو ان الليالي بغني
ردّ فهد بن نعيم العازمي العتيبي
فهد بن نعيم العازمي العتيبي
جتني بيوتك ياخو ترحاب عسّيف
جتني بيوتك ياخو ترحاب عسّيفمجوهراتٍ بالحلي صوّغنّي
منها نجوم الليل خجلى وكسّيفمدللات وبالدلع نغنغني
يكتب لها التاريخ فالذاكره سيفتسلب لبيب المستمع والمغني
من شاعرٍ غاص البحور النواسيفوحروف قاموسه اعرابٍ بغني
له فالادب والشعر مافاق الارسيفحاش المراجل عنه ما روغني
كريم سبلابالرخى والتكاسيفواذكار جوده من صباه ابزغني
لعل شمسه ما تهرّف بتكسيفضيف الله اللي بالقصيده شغنّي
درب بيوت الشعر تدريب جوسيفشد انتباهي والمسامع صغني
نعمين والله ويهبون المخاسيفروسٍ تطول وروس لا يدمغني
يفداه سودان الوجيه المواسيفاللي لحاهم بالردا صبغني
ناسٍ بترويج النمايم سراسيفالهيم من حوض الوبا يملغني
ماني حليف منظمات الينوسيفعنها منابيه الحواس ابلغني
ياجاهلٍ فالوقت ابا انصحك بيسيفصبرك ولو ان الليالي بغني