الملك سلمان ٨٩ سنه
المملكة كل نهل من كرمهاما هي من النهج الكريم محرومه
من يوم أبو تركي بوسمه وسمهاتقول مخلوقة مع العز تومه
الدولة اللي ما ينكس علمهااشرف علم بالكون واشرف حكومه
عبد العزيز الفيصلي ما ظلمهامن رحمته نفسه بأهلها رحومه
جمع شتات أمانته و استلمهاوأضحت تحت حكم الإمام معصومه
وبالافق لاحت فرصته واغتنمهاوقضى على الفتنة وجندل خصومه
واستقبل الكعبه ويمم حرمهاو دعا وقبلت دعوته في يمومه
في غزوه حزم الموحد حزمهاليلة على المصمك تقرر هجومه
طلائع الجيش السعودي حسمهابليل ظلام أنوارها من سهومه
واول بنود الخطة اللي رسمهاباللي نزل على الرسول محكومه
وسبعة ملوك الكل منهم حكمهايحكم بحكم الله وتقوى عزومه
حكم مبادي قيمته من قيمهاو كل بسيف الحق شمر كمومه
الظلم رفعه شيمة من شيمهاو بالعدل من يحكم تحقق حلومه
يجب على كل الدول تحترمهامن زارها و اختارها لا تلومه
يسلم زعيم العرب قمة هرمهايحب شعبه حب حجه وصومه
مكة وطيبة والمشاعر خدمهافي خافقة وهمومها من همومه
و مشاكل جمة بمتنه دحمهايضفي على مكشوفها من هدومه
و الأمن ساد وكل الأعداء هزمهاو الخير جانا قادم مع قدومه
و ولاية العهد السعودي دعمهاتبقى عقود ما تغير رسومه
الله بتوفيقه وفضله رحمهابرجالها الكايدات مهزومه
و الرؤية أفلح يوم فكره نظمهايعمل لعز الشعب ليله ويومه
على طريق الخير سير قدمهاحاسوبها يتعب ما يحصي رقومه
تنشر صحافتها و يكتب قلمهامقيم و مواطن تهنى بنومه
و بيعة عموم أسلافنا في ذممهاو باعناقنا بيعاتنا ومحشومه
و اللي يقولون الربيع اقتحمهاالدم يسفك و البيوت مهدومه
من قاذفات الموت ترسل حممهاربيعها زايف و غابت نجومه
مهما تكون الحرب من طعمهااللي يبيع الروح واللي يسومه
و على الرسول اللي نظمها ختمهابازكى تحية و الصلاة مختومه
- الشاعر:
- تراحيب بن سويلم العتيبي
- التاريخ:
- 31 ديسمبر 2024
- المصدر:
- تويتر — #الملك_سلمان_89_سنه