حي والله ملكنا يوم اذاع النبا
حي والله ملكنا يوم اذاع النبامطلب من زعيم مواقف ماقفه
يازعيم الزعامه ياهلا مرحباغير صايب قرارك مالهم سالفه
بالعداله حكمت وحكم ضدك هبامزين المستجير وممن الخايفه
عبقري محنك من زمان الصبابإمتياز المزايا نايفه نايفه
لإصطياد الاسود ولا لصيد الظباومن حياض المنايا تشرب العايفه
اعلنوها صريحه من وكالة سباياعدو الشريعه جاتك العاصفه
مانفعك المراوغ يازعيم الغباقادفات القنابل للعدو راجفه
جاك جيش التحالف مثل وصف الدبااكتساح الاراض وبالسماء قاذفه
زلزلت بالمباني يوم هبت صبامابقت للمعادي خيمةٍ واقفه
من تعالى غروره كاسبٍ مكسباضربةٍ بالصميم وضربة رادفه
- الشاعر:
- تراحيب بن سويلم العتيبي
- التاريخ:
- 2015
- المصدر:
- صور محفوظة من تغريدات تراحيب بن سويلم (bn_swilm)