مبروك المحل اللي يزورونه الزوار
مبروك المحل اللي يزورونه الزوارعلى قمة التشريف بارز ما هو خافي
تاريخ الحفاة اللي قراه يعرف وش صارما يرفا مضارب شلفهم ماهر رافي
ومتى ما يكون الكر والفر فوق مهارما يتقن نفوذ سيوفهم كل سيافي
ليا جاء نهار الحرب ثاروا تقول اعصاروقبل لا يموت الضد ما فيه محرافي
هل الخيل واهل الجيش واهل الكرم والكارهل السيف والشلفا هل الشعر عرافي
بشهادة نطاق وصمد ريحان ماش اسراروقايع على ما قيل تحسب بالآلافي
هل الدين والسنة وعز الخوي والجاربكل المعان السامية معدنٍ صافي
تشيّد مبانيهم على العز والعماركمال وجمالٍ زاهي حسن الاوصافي
اهل مرحبا واهلا وسهلا وشبة ناروحيل وسنام وما بهج خاطر اللافي
ومعها العود الازرق وكيف بهارومدة سماطٍ فيه من كل الاصنافي
ما يذكر بهم كافر وهم شلوة الكفاروعزوتهم الحافي ولا فيهم الحافي
ليا حافي قيل والنعم سبع امرارمناعير اشرافي قبل عصر الاشرافي
تشرفت بالدعوة وطالبكم المعذارسبب موعدٍ سابق موثق باﻻحلافي
- الشاعر:
- تراحيب بن سويلم العتيبي
- التاريخ:
- 2015
- المصدر:
- صور محفوظة من تغريدات تراحيب بن سويلم (bn_swilm)