أحمد فهد
بين عذبات البيوت وبين عذب المعاني
بين عذبات البيوت وبين عذب المعانيجمل الله خاطر اللي يعجبك بدعه ونصه
شرد الافكار تبنى مثل ماتبنى المبانيوكل شاعر وده يسوي من الأحلام قصه
والاكابر من قديم الوقت تحشم كل عانيوالرجل تطلع علومه فاللزوم اللي يخصه
ياسلام الله على رؤوس تعين ولا تعانيالدقون اللي تشوم عن الوطأ واللي يحصه
ترثة سويلم مفاخر ربعنا قاصي ودانيالرجال اللي تشد الحبل لا طال وتقصه
يابو ناصر ماوراء بعض السوالف مرحبانيلعبة البيلوت تعرف لابتدت باكه ورصه
المكانه والحفاوة من مكانك لا مكانيكل خاتم قيمته من مصنعه لو طاح فصه
لحية مقدارها الكمبود والبن اليمانيولحية مقدارها الحلاق والموس ومقصه
ردّ تراحيب بن سويلم العتيبي
تراحيب بن سويلم العتيبي
يالبناخي مرحبا والرد ياتي في ثواني
يالبناخي مرحبا والرد ياتي في ثوانيكم درسنا في طوابير الشرف حصه وحصه
انت يا أحمد نعرفك رجلٍ كريم وبهلوانيشاعرِ كنك خلاف لا جابها فوق المنصه
شاعرِ تختار ماتختار وتصيد السمانييوم راع الكيف شفه والحلا راعيه مصه
جبتها من جوهر الحكمه ومن سحر البيانيوالهدف سامي ولا غنيت في ساره وحصه
ماعليكم زود فالحاضر وفي ماض الزمانيالثناء لأهل الجميل وكل طيب بالمخصه
جدك الاول حميد ودون جدك جد ثانيكلكم والنعم كب اللي يجي فالحلق غصه
من بغى يرسل رسايل عاجله والا تهانيقال سلمها حكيم وكافيه ماقال وصه
ودنا نترك مجال الشعر في شهر رمضانيوكل واحد يقضب المصحف على صدره يرصه
ابتدينا المصحف الطاهر من السبع المثانيواكتمل بدررمضان وباقٍ بالشهر نصه
- الشاعر:
- تراحيب بن سويلم العتيبي
- التاريخ:
- 2019
- النوع:
- ردّ
- المصدر:
- صور محفوظة من تغريدات تراحيب بن سويلم (bn_swilm)