ظهير بن دغيمان الرشيدي
قصيدة ظهير الرشيدي
يمرن الليالي والهلال اللي يهل يغيبمثل ماهل غاب وطالت السيرة وانا ساري
أواصل مع مسيري يوم أودي ويم أجيبالا ياكثر ما يطري على قلبي من أفكاري
من أسباب الهموم اللي تبقع بالنواصي شيبشباب وشبت من كثر الهموم وطال مشواري
نشدت الناس هم مثلي ولا رد السؤال مجيبلحييث إني نشدت اللي عن العله ماهو داري
خلي القلب عمره ينتهيما مره التعذيبولا يلفت نظر الأمر وجوده بلفت انظاري
أمور خلت الاول يصف مع آخر الترتيبمثل مكتوف الأيدي بين بائع بائع وشاري
وأنا ما أشكي على رجل ماهو قادر سوات الطيبضعيف من ملاميح الرجال وذكرهم عاري
ما هو عاقل ولا مدرك ولا عادل ولا لبيبعديم إحساس يجري عكس مجرى الواقع الجاري
و لا تصمد عظام تمثلي وتغوص شك وريبوأنا ما أدخل على شيء قبل ما اشوف مظهاري
وأنا اقصد بالقصيد اللي قصدت الشاعر الاديبوسيع العرف عارف والعرب باسلومها داري
وهو من حق فيه المدح والمدح المزيف عيبصحيح وكان ذلت الصحيح يقل مقداري
جمع علم المعاني واتزن بالعقل والتهذيبولا شاله غرور مع هوا نفس البشر داري
ولا هذا من العتبان شئ يعتبر غريبمثل ذكر الحيا والخير بين بين الاذكاري
رجيته بالطلب كل الرجاء جعل الرجاء ما يخيبوردت ابغى مرد اللي على رد النقاء ضاري
وابا اشكي له مثل ما ما يشكي العله على الطبيبحكيم ومن حموله قبل يصبح كاتب وقاري
عليه العقد سهل الحل لكنه على صعيبعلى مثلي وهو عنده حسب ما حب وإختاري
وأنا وارد بدلو تظهر الصافي من السريبوابا اعرف من على يمناي واعرف من على يساري
ولا انخى عاجزين أخاك يابن سويلم تريحيبحروفي تنتخي باسمك قبل ما اجيب لك طاري
سری هاجوس فكري واقتدا بك والدجى غريبوأذاع لك المذيع وموجز النشره من اخباري
ردّ تراحيب بن سويلم العتيبي
تراحيب بن سويلم العتيبي
الرد على الشاعر ظهير بن دغيمان الرشيدي
هلا يا مرحبا واهلا هلا واكرر الترحيبهلا بك بالكتاب اللي كلامه حرك أوتاري
قريته من حروف البسمله بالرمز والتعريبوعرفت اللي حواه من المعاني سر وجهاري
ظهر لي بآخر الدنيا ظهير مثل وجه الذيبوطوقي هجومه ما عطاني سابق إنذاري
وقمت انخى دفاعي واشتغل بالفك والتركيبتوقعت الهجوم وقمت بسلاحي ومنظاري
حسبت إحسابها قبل الوقوع ولا أدعي بالغيبليا دقت طبول الحرب حنا نضرب الطاري
وعرفت أن الهدف مما يريد مناورة تدريبوجنح به مغناطيس البوصله ساري وسماري
مرار يشتكي حظه ومره شاعر خطيبوبعض أمرار يسبح بالبحر وامرار طياري
نصيبك لا تسبه با ظهير واقبل النصيبواخذ عبره من اللي صار بين الشيخ ومكاري
تناديني بصوتك بالمنادي واسمعك واجيبانا عند الطلب حاضر وكل الخمس الحضاري
ما راحت ذاهبه وابشر بحقك ما يروح الذهيبخلال ما يضيع ولا غدا لك مثل بدياري
اقوله وانت من قوم لهم بالمجد درب تعيبصواريم الحرار اللي جذبها طير غيماري
اهل جيره واهل نخوه واهل شيمه واهل توجيبرجال ما تضيع حقوقها شجعان شعاري
وترى الدنيا تجارب وأكبر البرهان بالتجريبوصندوق الضماير باظهير كنز الاسراري
تبي صبر جميل وبعد نظره ما تبي تعصيبوتجزى بالثواب ولا خسر من كان صباري
وكل اللي تشوفه شايفه ومقلبه تقليبهمومك توها و هموم قلبي فيه من ضاري
انا بيتي حجر والا انت بنيانك على التشطيبمافيه مقارنه بين الجديد وعصر الاحجاري
قناطير الذهب ما لحد كشفها غير بالتنقيبولا صارت جواهر قبل ما تصلى على الناري
ودرجها على ما قال بالتسديد والتقريبوحبلك كان فيه عقود سندها على الباري
على كور النجيبه وصل المكتوب با نجيبمثل ما اقبل معاذيره لعله يقبل اعذاري