زايد بن محيا بن عليان
من هاجسن مايلحقنه عذاريب
من هاجسن مايلحقنه عذاريبولياً دعيته يرتكي للصعيبه
سلام ياشيخ الوفا والمواجيبمن طيب رأسه كل صعبٍ يجيبه
اليا لفيته ينطحك بالتراحيبكلمة هلا قدام سمنه وطيبه
دايم وفزعاته تسر الاصاحيبماشح فاللازم بجاهه وجيبه
اما كحل عين العدو والأجانيبولا ضمد جرح بلش به طبيبه
هذاه ابو ناصر عطيب المظاريبساس الفخر نسل الأصول العريبه
من رأس عودن يرتكي للمطاليبكم طليين خلصه من طليبه
جدانك اللي يسترون الرعابيبهيباتهم تطغى على كل هيبه
يوم انها بالشلف والا المشاعيبفزعاتكم ماهيب حاجة غريبه
ماتحسبون حساب كل العواقيبيوم الحرايب ماعليكم غليبه
اي عقاب ياراع الوفا كاسب الطيبيقولها اللي فزعتك من نصيبه
وصل سلامي للمقدم تراحيبشطرا طرالي في مقدم عتيبه
وغنيت قافن ماتجيه العذاريبللي يحل الكايده والصعيبه
ردّ تراحيب بن سويلم العتيبي
تراحيب بن سويلم العتيبي
الرد على الشاعر زايد بن محيا بن عليان
الشاعر اللي جات منه المكاتيبمن نجد يرسل لي سلامه بطيبة
راع الكرم والمعرفه شاعر أديبرجل يعرف المخطية والمصيبة
يامرحبا ماتطلع الشمس وتغيبوإعداد مايبدي سهيل ومغيبه
حنا عيل العم لا شك لا ريبوسلوم أهلنا من بعضها قريبة
يازايد الدنيا دروس وتجاريبوحظ من الله ما يجي بالغصيبه
والاد عاصي معلقين الاصاويبمن يوم كانوا حقهم ما غديبه
يوم الملاقا بأمهات التزاهيباللي هجم واللي برأس الرقيبه
نطاحة الجمع المعادي ليا هيبالفوج الاول والمساند كتيبه
اهل الجمايل بالسنين الشلاهيبعز الرفيق مطوعين الرهيبه
الطيب قول وفعل ومنهج وأساليبوالكذب زور وخاسر من يجيبه
وبخل الفتى والذل يحسب من العيبوالدين عز وفاز من يهتديبه
والباديه والحاضرة فيهم الطيبوتارك طريق الحق ما نعتزيبه
وعهد الملك سلمان عهد المكاسيبالمملكة من حنكتة مستثيبه
ورؤية ولي العهد جت بالمطاليبوالفقر مات وفوق قبره نصيبه