النوم له مدة هجرني سهاجه

تراحيب بن سويلم العتيبي

النوم له مدة هجرني سهاجهماجور یا جفن من النوم مهجور

اسباب سهر العين من فقد حاجهواللي درا عن حاجتي قال معذور

ونصيت من رمز الكرم في حجاجهسلطان ابن شقران بالخير مذكور

من دولة العوجا ولا به عواجهونعم بهل العوجا ولا فيهم قصور

ما دام ابن شقران تعرف مزاجهمن الله مجبول على الخير مامور

يقرا الكتاب وما رواه ابن ماجهدكتور من لا ينفعه طب دكتور

كم من مريض قام يصرف علاجهويتابعه باليوم وسنين وشهور

وكم من سجين بشره بانفراجهالعام في غمران واليوم مسرور

وكم من عريس ساعده في زواجهاليوم في شهر العسل وامس مقهور

وكم من يتيم حول عنق الزجاجهمكفول من سلطان من طور في طور

وكم من فقير اعطاه كل احتياجهورفع شبات السيف عن عنق مبتور

ما قالوا الاعلام يعلن حراجهيعطي وما ينفق من الناس مستور

فارس وامير وواثق من خراجهوعند الملا معروف ماهوب مغمور

معروف ابو نايف على الناس تاجهبشهادة أهل الخير غياب وحضور

قلها بعال الصوت ما اقول ناجهحقه بياض الوجه ل نفخة الصور

وابوه قبله يوم وقت المواجهيخلي سروج الخيل من كل ممرور

عساه في الجنة يزيد ابتهاجهفي جنة الفردوس ينعم مع الحور