كل ماقلت أبا سير على الطيبين
كل ماقلت أبا سير على الطيبيناشغلتني عن الروحه اضروف الحياه
نوب أكافح يسار ونوب أكافح يمينكل يوم أضروفه قاصرات مداه
تبخل أيامنا بزيارة الغانمينكيف راع الوفاء يوفي احقوقي علاه
يابو ناصر ترانا بالغلاء مخلصينبس مغليك مابرهن بفعله غلاه
والحقيقه ترانا كلنا أمقصرينوالوصل والمواصل ما يبيله أوصاه
لك تحيه موده عطرها الياسمينفاح منها عبير الياسمين أو شذاه
تنثني يم ضيف الله بلحضه وحينأسعد الله صباحه وأسعد الله مساه
جعلنا بالوفاء والطيب متواصلينفي علوم لها بالنفس وقع أو طراه
يا خبير تعلم من دروس السنينوش تعلمت من مر الزمان أو حلاه
عقب ماعشت قسوه في حياتك ولينعلم اللي بلا خبره يقدي أخطاه
كل ماطلب له زين تعلق بزينوأن عرض عارض طيب تعنى واره
يابو ناصر محنا ديم مكتفينكل رجال تلقا في حياته مناه
الطمع خصلة خلقت بنفس الجنينإتشبث بها ويموت مشبع هواه
والليالي تبي رجل نبيه أو فطينعارف مبتداه وعارف منتهاه
في حياته قسم وقته لدنيا وديناهتدى في طريقه يوم ربه هداه
بشر اللي نهج منهج المسلمينحافظ الصيام ومحتفض بالصلاه
وأنت لاجبت رايك بين الأرياء ثمينمن بغى الراي عندك بابو ناصر لقاه
- الشاعر:
- تراحيب بن سويلم العتيبي
- المصدر:
- أرشيف تراحيب بن سويلم (مراجعة يدوية من العائلة)