هجدني هاتف لاعاد ليله
هجدني هاتف لاعاد ليلهلو أني عالم والله ما أشيله
فجع قلبي بنبرات حزينهوقطع تالي كلامه من غليله
وطلبت المتصل يفصح كلامهوقال الموت جاء يومي شليله
يحث خطاه بسهوم المناياوأخذ تركي ولا باليد حيله
برابعة النهار أعلن هجومهوهدم ركن من أركان القبيله
ياليت الموت طالبني كفالهليا وقت يشاء وأنا كفيله
لكن اللي جرى شيئ مقدروأنا أومن بالقدر وأعرف دليله
وما يأتي من الله مانردهيجيلي ياهل العرف ويجيله
وحزني ما نفعني والتوجدرفيقي غاب والغيبة طويله
رحل تركي عن الدنيا وأهلهاوحنا مقتفينه في رحيله
عسى الله يرحمه من فيض جودهوعسى الفردوس ممساه ومقيله
عسى ربي يجيره من جهنممع الأخيار في ظل الوسيله
مع الأبرار والأنهار تجريتحت روحه ويشرب سلسبيله
کسب تقدير جيله في حياتهكسب كل الثنا راع الجميله
کسب فوق الكرم دين و شجاعهوحاش الطيب ماحاش الرذيله
كسب كل المراجل في زمانهعن الهزلان يشتال الثقيله
وربعه بعد فقده هم عزانابعد حل الأجل فيهم مثيله
عی نوٍ من الرحمه تناشاعلى قبره مناشيه ومخيله
توارت بالثرى روح زكيهياسعد القبر من صحبة نزيله
وأختم القول بالصبر الجميليوأسلم عد همّال المخيله
- الشاعر:
- تراحيب بن سويلم العتيبي
- التاريخ:
- 1417
- المصدر:
- أرشيف تراحيب بن سويلم (مراجعة يدوية من العائلة)