سيارة على الطريقين سايره
سيارة على الطريقين سايرهمرات سيارة ومرات طايره
تشبه الصاروخ الفضاء في مسيرهاصاروخ باتريوت ساعة سعايره
من سوق حايل بالرسايل توجهتصوب الرياض وما زما من عمايره
يقودها اللي كل درب يدلهقطع الفيافي خبرة من خبايره
ان كان ما جود عقاله وغترتهتطير من صفق الهواء في عوايره
يا مرحبا بالبنز واللي يقودهاترحيبة كالطش ساعة بشايره
بنز تشيل رسالة يكتنفهابعض الغموض وماخفي من سرايره
يشكي علي من الوزى والحسايرومن مالجا بين الضلوع بضمايره
لكن ما وضحت دعوى تريدهاوضح طلبك ولا حسبنا خسايره
قل حاجتك بالشمري لا تكنهاومن ذل عن نجدتك تذهب حضايره
انا معك بالجاه والمال والجهدوالغيب مالي حيلة في دبايره
ومشكور باللي تذكره في قبيلتيوقبيلتك بالطيب تنشر نشایره
اهل الكرم والسيف والخيل والقنامن يكسرونه ما تفيده جبايره
- الشاعر:
- تراحيب بن سويلم العتيبي
- النوع:
- ردّ
- المصدر:
- أرشيف تراحيب بن سويلم (مراجعة يدوية من العائلة)