عصام سجل بالقلم ما طراله
عصام سجل بالقلم ما طرالهينظم جواهر جعل تسلم يمينه
قاف مكمل مايبي له كمالهأهل الوفا وافين ومكملينه
عرفت من مضمون قوله سوالهظمرت شي ظامره في كنينه
دايم على بالي وانا عند بالهوعلى النقاء والعز ديني ودينه
يا مرحبا إعداد مبدأ هلالهوعداد ما خض البحر من سفينه
وعداد ما بهر لضيفه دلالهواعداد ماقدم لهم من سمينه
وعداد مادار الرشا بالمحالهعلى قليب زاحمينه قطينه
وعداد ما بالجم ورد حبالهوعداد من صدر وعطن عطينه
عصام وافي والوفاء من خصالهالطيب كله عزوته كاسبينه
من طيب ابوه وطيب عمه وخالهفي كل حال الطيب دائم قرينه
شاعر وانا بيني وبينه زمالهبالشعر والرفقه عراها متينه
رفقة شرف ماهي برفقة جهالهمن روق وعتيبه حصون حصينه
قوم يضدون العدو باحتمالهليا جاء نهار مثل يوم الدفينه
رجالهم ينطح سريه لحالهيروون من حد المصقل سنينه
واليوم في حكم علينا ظلالهنعمه وعدل وخير وأمن وسكينه
حكم عسى ايامه تدوم وليالهعلى الجزيره عدلهم باسطينه
في عهد عبد الله تزول البطالهيحب شعبه حبه لوالدينه
ليا مارغب في لقب صاحب جلالهنقول صاحب فضل والله يعينه
والشعب كله من جنوب وشمالهوالبحر الاحمر والخليج وعرينه
اهل الولا والمرجله والبسالهكامل ولاهم للملك معلنينه
يا عصام مطلوبك علينا كفالهابشر بما تحتاج وأنا ضمينه
بيتك على ماضيعه من عنالهولا بدنا بأمر الولي زايرينه
- الشاعر:
- تراحيب بن سويلم العتيبي
- النوع:
- ردّ
- المصدر:
- أرشيف تراحيب بن سويلم (مراجعة يدوية من العائلة)