مليح بالجمال اوحيت صيته
مليح بالجمال اوحيت صيتهوعلى ما اسمع من التمجيد جيته
ولقيت اوصافهم من دون وصفهوكل الزين ساع اني لقيته
لقيت الزين في هاك الاصيلهوشفت الزين مكتوب وقريته
تشوف الزين فيه ان كان قابلوتشوف الزين من حيث احتريته
وتشوف الزين كان اعطاك جنبهسواً اعطاك نظره او عطيته
فلا تفرق جسدها من ذهبهاكسبت ورابح ياللي شريته
تقول البرق يكشف من جبينهتعالى منشي البرق ورجيته
ومع زين الطبايع حسن ادبهارباك امكونك ياللي ربيته
الا يا عاذلي كف الملامهماطاع القلب لو اني نهيته
تواجهنا بعيد عاده اللهوهاك العيد يبطي مانسيته
تبادلنا التهاني والهداياوليته كل وقته عيد ليته
بنينا بالغلا صرح المحبهوحلف لي ما يهدم اللي بنيته
جراله بالموده ما جرا ليوعلى درب الرذيله ما نويته
- الشاعر:
- تراحيب بن سويلم العتيبي
- المصدر:
- أرشيف تراحيب بن سويلم (مراجعة يدوية من العائلة)