انت نايب عن عتيبة وعن شمر فلاح

تراحيب بن سويلم العتيبي

ابو ثامر ما نهج منهج الناس الشحاحبالمكارم ناجبينه خواله والعموم

ياصباح الخير يا هاتف دق الصباحدق مع صوت المنادي على رش الغيوم

قمت مع صوت المنادي وراح النوم راحصرت في جو السعادة بعد جو الحلوم

اتصل بي كاسب النعم يوم اذن صلاحقال انا داعيك لزيارتي وأنت معزوم

انت نايب عن عتيبة وعن شمر فلاحكل واحد من قبيلة تقول أخوه توم

ومن مشى ممشاك حياكم الله يالنصاحشوفكم فرحة لشمر ولا شوف الهموم

وأجمل الأيام يوم تشوف البرق لاحواجتماع بالاحبة وتقبيل الخشوم

قلت له ياشوق بنت الشيوخ أهل الرماحغير تسليمي على أهل الوفا مالي لزوم

قال شمر طالبينك عسی دربك سماحطالبينك للكرم عن كرمهم لا تصوم

قلت دعوة من دعاني على صدري وشاحوافتخر واعتز باللي سمعت من العلوم

يا سلام الله سلام بريح الطيب فاحوين ما تكون شمر على شمر يحوم

شمر أهل المجد والجود وأهل الانشراحسلم شمر بالجزيرة من خيار السلوم

بالشجاعة والكرم والرجولة والصلاحوعند نطحات الصعايب لهم حظ يقوم

شمر أهل الطيب دايم حماهم ما يباحمن نوى هومة حماهم من العز محروم

شمر اللي من زبنهم تهنى واستراحيكرمونه في حماهم معزز ومحشوم

المناسب بالشرف والشجاعة بالسلاحوالكرم بالمال والجاه وأفعال القروم

شمر اهل الخيل والسيف والموت الذحاحشمر أهل الخير في يوم تشمير الكموم

والقبول الزين من طبع شمر والمزاحالحزن مطرود عن مجتمعهم ومهزوم

الجمايل حظ والا المراجل بالكفاحوالثقل ما شاله الا قويين العزوم

كل فعل يفعلونه تكلل بالنجاحوالله اللي عزهم بالدفاع وبالهجوم

البخل عن دار شمر عثر حظه وطاحما نزل تحت سماهم ولا شاف النجوم

ما لنا عذر نقوله وما نملك مباحولا لحقنا بالزيارة ولا المشوار لوم

دق سلف الجيب والجيب ما يبغى جناحوخل نجم الجدي أمامه ومعروف اليموم

نحروه ديار شمر متيهة اللقاحما ترد عن الخطر فوقها مثل الرجوم

على ديرتهم يجيها المطر صبح ورواحكل ديرتهم عساها تسيل من الوسوم

وقدمنا ريح البختري توديه الرياحوالسلام ختام منى على شعر عموم