يالله المعبود ياللي دخيلك ما يخيب
يالله المعبود ياللي دخيلك ما يخيبيا كريم ماش غيرك ولا رب معبود
طالبك ياللي تخلص طليب من طليباعف عنا يا غفور حليم و يا ودود
قصة الطلحي عجيبة وأنا وضعي عجيبحالته تشبه ظروفی سوا ما فيه زود
من سبايب كلمة خلت الجاهل يشيبكلمة تقول تقذف لهبها من سكود
واحد ماله ورانا حقوق ولا عزيبوالمصيبه كلمته قالها وسط الوفود
ان بلعناها مصيبه وعيب وشق جيبوإن تركناها لغيره لمعروفي جحود
ما احتملها واحد خلت ضلوعه حطيبما قدر يبلغ طيشها مثل بلع النفود
مثل نار الاكلبي للمحبه مع حبيببس ناري من حطبها ما خلت فيه عود
قله إني لو نويته تجيب اللي تجيباقدر ادفع له ثمنها ولا تبقى قصود
ليت صدري مثل صدرك يابو صدر رحيبكان ابا اصبر مثل صبرك عسى الصبر محمود
كل ذيب لا عوى جاوبه بالصوت ذيبوالأسود بزمجرتها تجاوبها الأسود
- الشاعر:
- تراحيب بن سويلم العتيبي
- النوع:
- ردّ
- المصدر:
- أرشيف تراحيب بن سويلم (مراجعة يدوية من العائلة)