عبد ربه بن عتيق العازمي
ياهاجسي لا غثربنّ المشاريب
ياهاجسي لا غثربنّ المشاريبورّدني الصافي تراها عوايدك
وليا استوى لك طرق بعض الهناديبقم واستعدّ ولا تكبّر وسايدك
تراك مندوبٍ سوات المناديبوأنا خويّك في رخاك وشدايدك
واليوم يومك يابعيد المطاليبوالعلم لاهيّن ولاهوب كايدك
ودّه لزيزوم السرايا تراحيبثم قل يابو ناصر وش آخر جدايدك
ياطيّبٍ بسمك تنادوا هل الطيبوأهل الحكم يلقونها في قصايدك
مادام علم الضيف عند المعازيبوش حكم ضيفٍ كل يومٍ يعايدك
وإن عوّدت ترغيب موقف وترهيبإن كان ماضرّك فلاهوب فايدك
والحظ ماضٍ له علوم وتجاريبوحكم القدر لا بد صايدك صايدك
والنجم لو يبدي على الكون ويْغيبلاهوب ناقصني ولاهوب زايدك
ردّ تراحيب بن سويلم العتيبي
تراحيب بن سويلم العتيبي
يا شاعرٍ شهرتنا فالمكاتيب
يا شاعرٍ شهرتنا فالمكاتيبالفٍ هلا من يوم جتنا مدايدك
دربك ابوك بمركزٍ فيه تدريبفي دورةٍ متقدمه من بدايدك
علمت بأشعارك وأنا ما أعلم الغيبهذي شهادة ضمها مع شهايدك
مادام تسألني فأنا لازم أجيبهذا الجديد وسجله في جرايدك
ياعبد ربه يخطي الظن ويصيبوبعد نشدت أخذ الخبر عن نشايدك
حق الضيوف اليا لفوك التراحيباخذ الخبر مني ويخبرك قايدك
ضيفٍ ليا زارك من أهل المواجيبولّم له الضيفه وولّم رفايدك
وضيفٍ يعلق بالمعزب كلاليباغسل يدك عن مثل هذا بتايدك
وضيفٍ عدو مافيه شكٍ ولا ريبعنه إستعذ بالله ولا هو بعايدك
وحكم القدر ماضٍ على الشاب والشيبواللي يرود الناس لابد رايدك