يا سلام الله على أهل العفو وأهل المنة
يا سلام الله على أهل العفو وأهل المنةردةٍ بالعود الأزرق والوفا مقرونة
كل وسام النعش نجر المراجل دنهبالكرم يرقا سنود وخنجره مسنونة
عن سلوم أهل الشرف ما يدرق فالعنةوعن قوانين العرب ما يختلف قانونه
يا هل المعروف والمقدار وأهل السنةمن ظلمكم تقدرون بعفوكم تجزونه
منكم الفارس ليا ركب الحصان وعنهما يرده عن غريمه كل من يرمونه
حقكم ما فيه شك وكل سن بسنهومن يظن الخير فيكم ما تخيب ظنونه
العفو مطلوب والعافي جزاه الجنةمطلبٍ يالاد مرشد عندكم يا هونه
كل فن ليا حداه الوقت يذكر فنهوفي زياراتٍ التواصل سنةٍ مسنونة
جاهنا جينا نسوقه من لهيب الكنةوالرجا بالاد مرشد حرها يطفونه
من يرد عد الروى باللي ركبها حنهلا يوردها ورا ماكم ولا اللي دونه
والله اتا ما رضينا فعل راع العنةمنكرين ولا رضينا الفتنة الملعونة
بعد ما صارت وفاتت ما تفيد الونةوالثقة منا ومنكم بيننا مضمونة
تفعلون الطيب دايم دون شك وظنةمن جميل فعولكم بعض البشر مغبونة
عفوكم يازن جبل ما هو بوزن البنةوما عملتوا من عمل قدامكم تلقونه
نرتجي عفوٍ قنوات الفضا يحكنهوفي سبيل اللي تبون ارواحنا مرهونة
العفو منكم مكانه عن جهنم جنةسترةٍ يوم القيامة والبشر مفتونة
يا عسى والديك يا محمد من اهل الجنةلو تشوم عن الدريك اللي هله يكونه
- الشاعر:
- تراحيب بن سويلم العتيبي
- التاريخ:
- 2016
- المناسبة:
- مناشدة موجّهة إلى قبيلة المراشدة (آل مرشد) بطلب العفو عن القصاص في قضية خالد فيصل نوار العازمي العتيبي
- المصدر:
- صور محفوظة من تغريدات تراحيب بن سويلم (bn_swilm)