ناصر بن تراحيب العتيبي
ياراكب اللي بالسماء كنها الطير
ياراكب اللي بالسماء كنها الطيرتسبق سناء البرق الذي يسبق الصوت
منصاك قرمٍ من رجالٍ مناعيرقرمٍ من الشيمات والعز منحوت
مهما كتبنا عن فعوله تقاريرصعبٍ علينا حصر الافعال فبيوت
ضرغام من صغره يقود الطوابيرنال المراجل وإلتهمها كما الحوت
في مجلسٍ تاجه وجيهٍ مسافيرعاصي على الأشرار مافيه سربوت
زبن النشاما من ضيوف ومساييرمدهل هل النخوات لاشك مثبوت
وإسلم وبلغ له سلامي على خيرسلامٍ أغلى من قناطير ياقوت
وألذ واحلى من حليب المغاتيرذوقه لذيذ وشافي وكافي وقوت
والقلب ملك بصك بيض الغناديروالجسم صار عظام والحال مسحوت
منهي تهون إلها جميع المخاسيرمنهي فداها من سكن وسط بيروت
ردّ تراحيب بن سويلم العتيبي
تراحيب بن سويلم العتيبي
الكابتن اللي بالفضاء واصل السير
الكابتن اللي بالفضاء واصل السيرونزل علي رسالته بالبراشوت
يالله عسى الدنيا بوجهه تسافيروعساه فالدنيا سعيدٍ ومبخوت
ياناصر الدنيا حظوظ ومقاديرواللي قسم للعبد يكتب على النوت
ابذل جهودك خل عنك المعاذيرماتنقضي حاجاتكم وأنتم سكوت
حظك يقوم ولا يصيبه عواثيرمن مبتدى الدعوى ليا الحفل بكروت
لك عندنا قيمه وحشمه وتقديرواللي سواتك مانحده على الآوت
جاهي وجهدي باذله والدنانيرواللي يبونه من صوالين وفروت
جاهي وجاه رجال نجد المشاهيروأهل الحجاز وساحل البحر وخبوت
عتيبه الهيلا معا حرب ومطيروسبيع والحرث وقوم ابن شفلوت
وترى الذهب عندي وطيب القواريروباق اللوازم من فساتين وبشوت
والعود الأزرق والدلال المباهيرببيوتنا زودٍ على أوتيل ماريوت
الذيب حاف وشاف فالبير تحذيروإليا وقع بالفخ ماهوب مفلوت
ماكل شاعر صخر القاف تصخيرولاكل شاعرةٍ تجي مثل بخوت
وماكل ذاهبةٍ لقوها المداويرولاكل مقياس المسافات بالفوت
وإفطن ترى الأهداف عند الجماهيربالرأس وايضاً بعض الأهداف بالشوت