حسبي على عينٍ قصفني هدبها
حسبي على عينٍ قصفني هدبهاومن قو قصف أهدابها العقل مخطوف
والنار في قلبي تزايد لهبهاوالحال من نظراتها صار منحوف
والعين ما نامت سهرها غلبهاوكل الكلام مضيّعه ما عدا «أوووف»
ما كنت أظن اللي حصل من سببهالكن صارت والبطل صايره نوف
مدري من أهل الشام ولا من أبهاولا من أهل دبي ولا من الجوف
ذيك الغزال اللي جميلٍ أدبهاومع زين دل الزين بالثقل موصوف
ما هي من اللي من بغاها جذبهاولا صادقت ضايع وخبلٍ وملقوف
وزودٍ على ذلك عريبٍ نسبهامن ناس عز ومنبع العز معروف
قبيلةٍ ما يكسب اللي حربهاإلا الهزيمة والنكد زايد الخوف
ماني بمفصح عن قبيلة عربهالأجل عيون اللي تلوف الحشا لوف
ومن الجمال الرب جلّا وهبهاحسنٍ يخلي راجح العقل مشعوف
الجوهره يا سعد من هو كسبهالا صار دون الجوهرة رمح وسيوف
يفدى الجواهر عمر من هو رغبهالا صار من نظراتها العقل مخطوف
- الشاعر:
- رشيد منور بن سويلم العتيبي
- المصدر:
- الشاعر