أكسجين الحياة
تباشر العالم الكوني بصبحٍ جديدصبحٍ من الشام في مكه يشاف سفره
صبحٍ يهدّ الظلام اللي عباته تزيدويبيّن الميمنه ويبيّن الميسره
معه اكسجين الحياه يفوح في كل بيدتتنفسه كل نفس وكل غصن شجره
على طلايع قدومه كل فجرٍ بعيداصبح على الساهرين اقرب من المنظره
من يوم شعّ ارتجس ايوان صرحٍ مشيدشيدْه كسرى ونور المظلمات اكسره
شمسه ضياها تغذا به نبات الصعيديحيى بها أصفره ويصير مثل اخضره
اول بدايات للرحمه وفالٍ سعيدواول نهايات للجهل ومقص ظهره
غيثٍ هماليل جوده تجعل البيد غيدبرقه ليا ساق من وسط السحاب افزره
يفرح به السفح والوادي وخضر الجريدوالارض في قطرةٍ من ماه مستبشره
ما مال من باسقات الطول طلعٍ نضيدالا وبانت بركاته بكل ثمره
ينسى الشقى من يحطه فالشدايد عضيدوينسى المواريد من يارد على كوثره
سيّد بنو آدم اللي ماتعلاه سيدواول بشر فوق خد الارض دام اثره
ذكره مع الناس باقي لين يوم الوعيدهذي هي المفخره يامدور المفخره
ياسيد الخلق في مدحك يجود القصيدوانا عليه اسند الهقوات واستمطره
اخايله غيم واعيشه هجير وجليدواهيم في ساحله واغوص قاع ابحره
واقطف منه كل باهي لون منتوق جيدمن روضة الفكر يغري نرجسه وازهره
ودي يجمل حضوري لاجل اكرر واعيدرغم اني اشوفك اعلا منه واستحقره
وان كان قصرت في شعري وجهدي جهيديازاكي العود لا تشره على المبخره
انت العطا والسخا والمدخر والرصيدوانت الفضا والهوى والمسك والعنبره
وانت السلام المنزل وانت سيفٍ حديدوانت السحاب الربيعي وانت وبل مطره
وانت الشموخ المسمى وانت مجدٍ تليدوانت اشهر اللي روى التاريخ في دفتره
وانت النداء الملبى والمنار الوحيداللي تجلّت صفات الحق من منبره
وانت الفقير الغناوي والكريم الزهيداللي ليا مدّ مادوّر حدن يشكره
تعطي من الخير مايملا بنوك الرصيدوتروى به خدود الارض المجدب المدهره
حتى من اسمك موازين الخزينه تزيداسمك لحاله خزينة خير لو نذكره
عليك مره نصلي دون شرطٍ وقيديردها الله علينا من كرمك عشره
اسمك محمد وتحمل كل وصفٍ حميديشرق به النور يوم الفكر يستشعره
قربك امان وطمأنينه وشوفتك عيديابخت من ناظر بوجهك وطال نظره
سكنت من كل نابض قلب مفرع وريدواصبح لطاريك في دم القلوب ازفره
من يقتدي بك سعيد وفي قراره رشيدمايسكن الخوف قلبه رجل والا مره
على تمام الثقه ويشوف رايه سديدواعلومه مصلّحه واموره ميسّره
قبلك رقاب البشر طوع العنيد الشديدان رادها مرحمه وان رادها مجزره
غابات والعيش فيها عيش سيد وعبيدماعندهم عفو لو تتوفر المقدره
ياكل بعضهم بعض مايرحمون الوئيدويعلقون افئدتهم في فؤاد حجره
واوصاك ربي تفيد وتنصر المستفيدوارسلك مفتاح للتوفيق والمغفره
غيرت وجه الحياه وجا الكلام الاكيدوتألّفت به قلوبٍ قبل مستنفره
على مقالٍ وحيد وفي مقامٍ مجيدما أكرمه في مقامٍ عالي وماطهره
يوم الله اراد والله يفعل اللي يريدهيأ لك المعجزات وكلّ كيد ادحره
حط القلم في يمينك سيف ماله ضديدواعطاك الالهام والقرطاس والمحبره
تاخذ من الوحي ما تاخذ من الظلع حيدوتحرر عقول كانت قبل مستعمره
العلم ثوبٍ على اللي يلبسه مايبيدلو ضايق الوقت ثوبه مايضيق انحره
وانت المعلم ودكتور اللغه والمعيدمن قبل لا يُعرف المرسام والمسطره
اخلاقك دروس وافعالك حزامٍ جويدمن شد فيها يمينه كل خيرًا يره
جوامع الكلم ماتعطى لرجلٍ بليديستنقص العلم نوب ونوب يستكثره
والله عطاك الصفه هذي لانك فريدميزان حقٍ ماتهضم للوزين شعره
وانا في نور الهدى شاعر وشبحي بعيديعجبني اللي تعب غيري ماجاب خبره
شاعرك قرناس فكره كل هدّه يصيدواليا ضرب مخلبه في القاع ثار اغبره
لـ اللحظه ابداعه الفكري وبدعه وليدتجيه الابيات منقاده ما هي مجبره
رهيف الاحساس ولسانه يدًا من حديدماتكتم الحق بين الفك والحنجره
اغلا القوافي لا بالله انّها اغلا القصيداللي بطاريك ممزوجه ومتعطره
وازكى صلاتي وتسليمي وربي شهيدشعرٍ ماينساق في مدحك مافيه اثمره