بدع عواض بن سويلم · 2014

قصيدة خلان الرخا

بالله يا فواز حضّر لي القلمغنّيت لي قافٍ من القلب جانبه

وخلّ القلم يكتب من الشعر ما طراعلى القلب من جور الزمان وغرائبه

يا ما كثر الأصحاب في ساعة الرخاءويقلون في وقت اللزوم ونوائبه

وقد قالها قدّامنا راعي المثلوالأمثال ما تمحى والأرواح غايبه

ولا تنخدع في ضحكة السن يا فتىتراها كما برقٍ تقافت سحائبه

ما كل من يضحك للأجواد صادقولا كل هقوات الرياجيل صايبه

يقوله اللي شاف من وقته الجفاءمن بعض أصاحيبه وبعض قرايبه

ولا إني بندمانا على الطيب فالعربنفسٍ تعمل الطيب ماهيب خايبه

والناس معادن وكلٍ ومعدنهكلٍ حسب صلبه وحسب ترائبه

لكن الغريب إن الوفاء بعضه اختفاءوالظاهر إنه مقفيّاتٍ ركايبه

وأنا راس مالي عزة النفس والثقةوالأيمان باللي ما تقطع وهائبه

وهذا قليلاً من كثيرٍ عرفتهرغم صغر سني لحيتي منه شايبه

وصلاة ربي عدّ ما ذعذع الهواءعلى محمد عدّ ما ذاري هبائبه

مجاراة ضيف الله بن سويلم العتيبي

مجاراة

ضيف الله بن سويلم العتيبي · 2014

عَوّاض شاف من التجارب عجايب

عَوّاض شاف من التجارب عجايبوفكّر بدورات الزمان وعجايبه

وكسب فوايد في حياته كثيرةوشلون لو سنّه مثل سنّ شايبه

ماجور يا قلبٍ شكا لوعت الجفااللي من أقصى الناس واللي من حبايبه

يا أبو علي ما قلت غير الحقيقةواللي حصل لك ما عرفنا سبايبه

ويا كثر خلّان الرخا لو تعدّهملكن عن بذل المعاريف هايبه

ما يدرك المعروف من لا تعب لهإلا بعد يتعب وتتعب نجايبه

ومن يعمل المعروف في غير صاحبهشمعة ضياء في سنا الصبح ذايبه

قد قالها قبلي مجرّب وشاعرآخذ حسين القول وأترك شوايبه

والناس يا عوّاض فيهم وفيهمبه ناسٍ أخيار وبه ناسٍ عايبه

والرجل يرسي مثل ما يرسي الجبلما يزعزعه صفق الهوى في زرايبه

وبعض العرب شرّ بلا خير ما بقيتقلّ حسناته وتكثر مصايبه

حلو اللسان وقلبه أسود من الفحمبغيبة الشيطان يكون نايبه

وأنت غنيًّا عن عيال الثعالبوحنا ذراك عن السموم ولهايبه

اطلب وتاجدني على ما تريدهما دام راسي ما تعلّت نصايبه

ردود ومجاراات أخرى على نفس القصيدة الأصلية