الاسم نايف ,, والخصايل نوايف
هدية جتني من أغلى الصنايعمهداه لي من صاحب الفضل نايف
قالوا: تبيع؟ وقلت: ماني ببايعإلا تبيّع بالحراج العفايف
بضاعةٍ عندي من أغلى البضايعولاني على الدنيا كثير الحسايف
نايف رفيعٍ فوق كل الرفايعنايف على كل البشر بالوصايف
رجل الكرم صيته مع الناس شايعنايف بجوده فوق كل الطوايف
أخذ من الوالد صفاتٍ وطبايعالاسم نايف، والخصايل نوايف
صقر الجزيرة قبله العدل ضايعوشبه الجزيرة في ظلامٍ وكسايف
يموت نصف الناس ضميان جايعوالنصف الآخر يسهر الليل خايف
وحكم معزّي ما حكم بالخدايعوأقام شرع الله بحدّ الرهايف
من شرقها طلع يقود الطلايععلى المهار وموميات السفايف
وأخذ نظامه من كتاب الشرايعوضمن حقوق الأقويا والضعايف
وقال: انتهوا يا مدوّرين الطمايعوخلّى الغنم والذيب تمشي ولايف
وصاروا عياله حافظين الودايعيشهد لهم تاريخ بيض الصحايف
- الشاعر:
- ضيف الله بن سويلم العتيبي
- التاريخ:
- 1999
- المصدر:
- مدارات شعبيه