حبيب بن دغيم العازمي

على الهاتف اللي يرسل أسبق من المرسول

على الهاتف اللي يرسل أسبق من المرسولأبارك لضيف الله وبشر قبيلتنا

أبارك لضيف الله على الترقية وقولعسى الطيب اللي يشتهر من جماعتنا

أنا أفرح ليا قالوا هذا العازمي مسؤولوشيٍ يعز صفوفنا من معزّتنا

وحنا رجالٍ عندنا للزوم اكمولومن فضل ربي ترفع الراس سمعتنا

لنا فأول الأيام مثل الرجال أفعولوفي حاضر الأيام نخدم حكومتنا

نسد اللزوم ونقتضي قبل راس الحولونكمل مواجيب العرب من مروّتنا

لنا منزلٍ بين وواضح ماهو بمجهولحشى ما نصدّ عن اللزوم إن تنصّتنا

إكرام النفوس وعندنا للأمور أحلولوننصح بجاهلنا ونرفق بشيبتنا

ولن عودة للعقل والمنطق المعقولترى الصفحة البيضاء مع الناس صفحتنا

ردّ ضيف الله بن سويلم العتيبي

ضيف الله بن سويلم العتيبي

رد على حبيب العازمي

أبدي بذكر الله وأصلّي على الرسولوأقول الكلام اللي كتب وسط رايتنا

وبعد ذا نبي نشكرك يا شاعر البهلولعلى تمنّيتك اللي كما البرق وصلتنا

جعلت الهواتف بيننا خطّها مشغولفرح صاحبي بالترقية مثل فرحتنا

حبيب ولد عاصي وعاصي ولد مقبولصديق ورفيق من على جدّ رفقتنا

كما قيل يطلع من عيال الزحول أزحولنفاخر بمثلك من رفع صيت شهرتنا

رموز اللغوز المبهمة عقدها محلولورث يانع الأثمار فأشجار ديرتنا

زمانٍ مضى يبرز به الرامي الناجولكما حصل يوم العمق دون روقتنا

وقفنا مواقيف الشرف في نهار الهولشاهدة شيوخ اسليم تكفي بوقفتنا

مضى ما مضى واليوم سيف العدل مسلولعسى الله يرحم من جمع شمل وحدتنا

وخدمنا الملك والدين والأرض عرض وطولمع إخلاص نيّتنا وصادق سريرتنا