عبدالله بن مريزيق السحيمي

ذبحنا التعدّي بالعتيبي مع الدرجان

ذبحنا التعدّي بالعتيبي مع الدرجانمصاعد إدارتكم ورا ما تسوّيها

لونا شباب ضيوفنا بعضهم شيبانليا طلعوا الدرجان عرّقت علابيها

لونك سمعتوا فحّة الشايب التعبانبعد ما طلع رجليه تخطي مواطيها

زهمت الجنود وحضروا صاحب البنيانوطلبت المقاول للعمارة وراعيها

عقيدٍ كسبت المجد ومعلّق التيجانولك سمعةٍ يا صاحبي تفتخر فيها

على صدرك الفاضل شبكة من النيشانوسامات عزّ ولا خسر من عطاكيها

ورثت الشجاعة والشهامة من الجدانعرين الأسود اللي تنشمي هقاويها

وأنا عارف إنك ذيب وتقدر الجيرانلكن المصاعد لازم تشوف وش فيها

وعندي خبر يالصقر ما أنت بقطيع لساننبي ردّها وافي ودعواي تنهيها

وصلّوا على خير البرية نسل عدنانعلى محمد المختار نظم قوافيها

ردّ ضيف الله بن سويلم العتيبي

ضيف الله بن سويلم العتيبي

رد على عبدالله السحيمي

هلا يا مرحبا بالشاعر الماهر الفنانعداد النجوم الساهرة في مساريها

وأكرّر له الترحيب من خاطرٍ نشطانوقبلت الهدية من شرف شخصٍ مهديها

هدية حروف كأنها الدر والمرجانذهب من ذهب لو طبت السوق نشريها

على شان عبدالله سحيمي من السحمانرجال الكرم والجود بالحيل نغليها

رجال الشجاعة والبطولة طوال إيمانتسمّى شوارع فالمدينة بأساميها

هل الجود والنوماس في ماضي الأزمانوحاضر رجال المعرفة مثل ماضيها

تحجّج بحجّة لا مريض ولا كسلانحروف التعجرف بينات شواريها

تقوله وأنا خابرك ترقى جبل ورقانورجلك على رقي المعالي مضريها

ترى العسكري في وثبته يشبه السرحانجميع السباع الشهب يقدر يجاريها

طلبنا المهندس يصلّح المصعد العطلانوقال العطل في قطعة ما نلاقيها

ونشدنا عن المصدر وقالوا من الياباننبا نطلب القطعة عسى الله يهيّيها