محيل بن سويلم العتيبي

الجمس يوم انه تعدّى المخيطي

الجمس يوم انه تعدّى المخيطيوقف وخلّوه الجماعة على الخط

يقول ضيف الله عطاله بسيطييمكن سدّد لكن دسله وشفط

وفرج يقول: ألهم هذاه اتخبيطيحسّ السبايك من عموده تساقط

والشيخ أبو ناصر زعل ما يحيطييقول: وش هلي علينا تسلّط

الله لا يبلى، جاء نهارٍ شطيطيوكلٍّ على ما قيل يسخب ويسخط

نهارٍ أقوى من نهار القعيطييوم العواجي حط به مثل ما حط

ثم أجمعوا ورعانهم بنشيطيونادوا دليلتهم وقالوا: تقلّط

وشدّه بثالث لين جاله نحيطيما ريّحه لين ان عَدّه يشطشط

وغدالهن مع خشم شابه حطيطيحطيط نون لبرديّة تخابط

وتاه الدليلة مير جاله وسيطيردّه هليل عقب ضاع وتورّط

ولولاه ردّه كان هفت مقيطيهفت مقيط اللي بحبله مربط

يوم عليهم صار ماله غليطيوالحمد لله هان وأمره مبسّط

ردّ ضيف الله بن سويلم العتيبي

ضيف الله بن سويلم العتيبي

رد على محيل العتيبي

الشاعر اللي في جنوب الخطيطيغلط على ربعه وأظنّه مغلط

وترى العباطة ما تفيد العبيطيومحيل تال الوقت راح يتعبّط

كلماته اللي قالها في الشريطييمكن يعمّمها على الشرق الأوسط

ولا يجي في السوق مثل الشريطيفي الماقفة يجمع حلال مخلّط

الزور يمكن بالمزوّر يحيطييفوز راع الصدق والكذب يسقط

لو قال لك شلمان شرق الوقيطيتقول له غلطان وإلا مفرّط

وحيلان لو ردّوه لأبو خريطيأسما حقيقي ما يبي له توسّط

أحدٍ يشق الثوب وأحدٍ يخيطيوأحدٍ يصون الثوب من خوف ينقّط

زهلول قام بحفر بئرٍ غويطيووقع بوسط البئر يا محيل وأنغط

ما كل ضحضاحٍ يسمّى محيطيوحرة كشب ما تنتقلّد على شط

لو يسمع القنّاص صوت العفيطيأخير له من شوفة الداب الأرقط

ودي تجي يا محيل مثل السويطيله خطةٍ ما حلّها من يخطّط