تراحيب بن سويلم العتيبي

ما خبلك ياللي تقول إثبات شخصية

ما خبلك ياللي تقول إثبات شخصيةجنسيتي يوم تنشدني على بابه

تطلبني إثبات وعيونك عماويةمن جوهر العقل مالك ما تلها به

طالع أشعار الشرف رمز السعوديةفتح عيونك تشوف السيف ونصابه

اسم الحرس فوقه السيفين ماريةوالنخلة اللي ولد مريم تذرا به

نمشي على العز والنوماس دوريةنحمي حدود الوطن من كل نهابه

نِحمي المحارم والأديان السماويةحنا حماة الحجاز ونجد وهضابه

يوم أنت واجبك ما تطلع من الفيةحنا ندوس الخطر برده وملهابه

الدين الإسلام والأحكام شرعيةودستورنا كل بادي فجر نقرا به

إخلاصنا للملك مية على ميةوأمرٍ يجي من ولي العهد نرضابه

نرفع علمنا بتوحيد الربوبيةلأرواحنا في سبيل الله جلابه

ردّ ضيف الله بن سويلم العتيبي

ضيف الله بن سويلم العتيبي

رد على تراحيب العتيبي

تكفون يا ربعنا من ينصح العيّهلا يبلش الأمن بلسانه ومشعابه

الشاعر اللي بدأ بأبيات شعريةوليا نظم له قصيدٍ رين غنابه

وأعلن هجومه على الناس النظاميةلا تفه سبب كل ما عند البطل جابه

يا كبر غلطة طويل العمر هاذيهأثره ليا فار دمه يفقد أعصابه

الغطرسة والتكبر خصلة سيّهوهاذي صفاتٍ تجي في ناسٍ نصّابه

التفرقة بيننا ما هيب أوصليّهواصل التعاون ذكره الله في كتابه

واجب علينا جميعًا نخلص النيّهونصير دون الوطن لابه ورا لابه

في واهج القيظ والا المربعانيةونصير وسط البلاد أسود وذيابه

عيونا ساهرة وقلوبنا حيّهونعمل ونعمل عملك اللي تسنا به