فراج الكرشمي

على القافيه والوزن والرمز حان البوح

على القافيه والوزن والرمز حان البوحبعيد عن التكرار والعسف والشقر

عن اللي سطا فالروح لكن وين أروحشبكني زماني مثل ما يشبك الصقر

أنا والنداوي كل واحد ركز له لوحبعد كان مرقاب النوادر لنا مقر

علوم المطر والرجع تحيي هشيم الروحوالأحلام ما تغني حليمه من الفقر

يا جرحي طبيبك مع شديد الأسف مجروحولو ما نزف دمه ولا بان به عقر

من الغيظ كن ابو اربعه في حشاي يفوحعسى الله يجازي من تكبر ومن حقر

يا ربي عسى من يمدح اللي ما هو ممدوحيبي من قرف دنياه تصلاه في سقر

خطأ والخطأ في مثل هذي ما هو مسموحولو ينكر المنكر ويقر من يقر

وانا متهم لكن باب الرجا مفتوحبغيته وصفوا فيه حلابة البقر

حدوني وردوني قصار النظر والشوحوانا ما علي خلاف والوضع مستقر

مجاراة ضيف الله بن سويلم العتيبي

ضيف الله بن سويلم العتيبي

قريت بمدارات «الجزيرة» بكل وضوح

قريت بمدارات «الجزيرة» بكل وضوحبعد جابها لي الموزع وقال اقر

ولقيت الكلام العذب من شاعره مشروحتقول إن شعره ناقره فالصخر نقر

عن اللي سطى بالروح روح بسفينة نوحويشفى صوابٍ في فؤاد الفتى وقر

علوم المطر تجيك بعد البروق تلوحويكثر نبات العشب فالتل والمقر

وباب الرجاء مفتوح لو عارض المشفوحنصيبك يجيك لحد دارك وفي العقر

يقولون بعض المدح ذمٍ يجي مفضوحولاني مشجّع من مدح ذاهب النقر

طبيبك يقول الضغط شرّه من المملوحيقوله حكيمٍ في مصحات بن زقر

ترى الرجل يصمد لو عرض له مية ساموحما ينظام من ربعه هل الضمر الشقر

أغنّي طرب مرة ومرات أجر النوحولا باقي إلا شق ثوبي وقرّه قر

علشان صوت الحق بين العرب مبحوحوما دام الحواجز دون الأقصى دقر دقر