قاعد سعد عامر بن نيف المطيري

ودّوا لضيف الله خفيف المكاتيب

ودّوا لضيف الله خفيف المكاتيبأنتم من أصحابه وجيران بابه

ماني مكلّفكم ولا لي مطاليبإلا سلامٍ حلو نقع السحابة

ولا كما الحالي لذيذ المشاريبدرّ البكار اللي هنيّا شرابه

عذب السلام استاجبه راعي الطيبلو كان ما بيني وبينه قرابة

الولف نوب يقرّب الناس تقريبله رابطٍ مثل اللحم والنسابة

واثنوا سلامي لأبو ناصر تراحيبراعي وفا دايم وفي جنابه

نعزّكم يا هل الوفا والمواجيبولا في غلاكم والمعزّة غرابة

أنتم معارف من منوّل وأصاحيبوالدار جنب الدار مولاك جابه

تلقى العلوم الطيبة والتعاجيبونلقى البشاشة عندكم والرحابة

ومن عرفكم يبدي لنا الراي ويصيبولا هو غريبٍ رايكم في صوابه

أنتم لكم بالوقت خبرة وتجريبدايم تحلّون العقد والنشابة

ومن لا يجرّب بردها والملاهيبعلى الترف واللين ينعم شبابه

يجهل لو إنّه ناصف راسه الشيبمرعى الرخا ما ينفع اللي رعا به

والطيب متعب يفحم الناس وصعيبإلا على راع الوفا ون مشابه

عن طيبكم يا مبعد الشك والريببعد السما اللي مرتفع عن ترابه

بالطيب عديتم طوال المراقيبومرقى الوفا ما كل رجلٍ رقابه

يا هل الوفا ماني منزّه من العيبالعرف ما درست منهج كتابه

ردّ ضيف الله بن سويلم العتيبي

ضيف الله بن سويلم العتيبي

رد على قاعد المطيري

بالخط واللي مرسله كل ترحيبواللي نقل خط الوفي مرحبا به

خط خفيف الحمل في داخل الجيبومضمونه أكبر من شوامخ هضابه

من شاعر ناقد للأمثال وأديبواليا بدأ نظم القصيد أعتنابه

يلعب ولا تلعب عليه اللواعيبيفتل وينقض مبهمات الكتابة

قاعد على ما قيل ذيب ولد ذيبذيب تربّى في مراب الذيابة

في مدرسة عامر تدرّبت تدريبشيخ كسب كل المراجل كسابه

ترعى الخطر في حمايته شمخ النيبما أحد طمع فيها وكلٍ يهابه

من سطوته سُمّي مهدي الأصاعيبفعله هذا اللي وهله شيخ لابه

عامر وما عقب شيوخ مناجيبالأصل واحد والفعايل تشابه

ونفخر بعرفه سالمين العذاريبما قلت غير الصدق في كل جابه

والطيب صعب مثل ما قيل وتعيبما يدركه من لا تعب واشتقابه

يحتاج صبر في السنين الشلاهيبوعزم ليا من الدهر حدّ نابه

والدين عز ومصدر الغي تخريبوالنهج مع نهج النبي وأصحابه

ودّوا كلامي يا ثقات المناديبللي نظم زين القصيد وبدابه

وقولوا لصاحبنا ترانا معازيبواجب نشوفه كل ما طبّ طابه

واجب يلبي دعوة الجار ويجيبأرجو من الله لا يطول غيابه