رد على صالح العازمي

ضيف الله بن سويلم العتيبي

حييت يا رجل على قدّ معناهقولٍ وفعل، ومن الحصون المنيعة

صالح وفيّ، وكاملاتٍ سجاياهراعي وفا، ماهو من أهل القطيعة

نفرح ليا جا مثلكم من هل الجاهنشري غلا الطيب، حشا ما نبيعه

لاهنت يا راعي الحروف المصفّاهوتبقى كما نجمٍ برز في لميعه

واللي كما صالح نبا نتبع رضاهاليوم والليلة، وصبحٍ وتبيعه

نحبكم لله، والحب في اللهيجب على المسلم يسدّ الذريعة

ترى الرفيق بحزة الضيق تلقاهوالا الردي لو قام، ما سدّ ريعه

راعي المكارم، جعل الأنذال تفداهخصّ اللكيع اللي طبوعه لكيعة

راعي النميمة، ما توقّف مطاياهويشبّ ناره في حطبها وليعة

عساه يصبح فأسفل النار مثواهوالصالح، الله من جهنم شفيعه

والصقر في رؤوس المراقيب مبداهوضربة مخاليبه لصيده شنيعة

يا صعب درب الطيب للي تمناهويهون عند مطبّقين الشريعة

يا سعد من وفّق بدينه ودنياهوعند السباق تحصله في الطليعة

ويفوز من يُعطى كتابه بيمناهويوم الحساب يكون ربّه منيعة