حبيب بن دغيم العازمي
ضيف الله اخترت القوافي والطواريق الجدد
ضيف الله اخترت القوافي والطواريق الجدداللي سريعه فالندب واللي بطيه فالردود
اسرع ندب من صنعة البلجيك سمحات الخددواثقل من احمول البواخر بالكناتر والشدود
يقراهن الشاعر ويحفظهن خياله بالعددحرفٍ بحرف وكل حرف الياورد حرف امعدود
الساس ساس المعرفه والبني اخير امن الهددابني على المبني بني وابني من البني امهدود
مثل الجسور اللي مصممةٍ على وزن القدداو مثل طيٍ بالحجر تطوابه اعماق العدود
ما اطلب من الناس المدد اطلب من الرب المددمد الكريم اخير وابرك من جزيلات المدود
والياعطا يعطي ولايرجي من الناس الرددجزلٍ ثمين الفضل والعرفان للرب الودود
عسا عيون الحاسدين اللي تناظر باللددحتى يعود شوفها بين المدامع والخدود
عز الله انا ماتوايقنا على سد السددتبقى السراير بالضماير لو يبيحن السدود
كنا منول ننطق الغده على جمع الغددما تتفق مع قولة افلان اصبح اليوم امغدود
وكنا نقول افلان وابن افلان فاللازم سددواثر ما كل اللي بدا في لازمٍ يحسب سدود
لا هنت ياعون الرفيق الند الامثل للنددرمز الكرم منصى الرجال وضد لخصم اللدود
يا عزوتي فالمواقف اللي فيه ضدا من الضدديتاج راسي ياحزامي من على عهد الجدود
يامجرب الايام انا مثلك وفي هذا الصدديا ما بذلنا فيه من جهدٍ يعدينا الحدود
ناطا على روس الافاعي والشكاعي والكددوالله ولا قرطوع بعد اسبوع من ديس الكدود
نطرح بدد نجمع بدد ما تجتمع كل البددخلا البدد تطلع بدد زايد بدد كم البدود
ومن لانفع وقت الرخا ما فاد في وقت الشددمايصبر الا كل رجالٍ على الشده شدود
ومن يزرع المعروف اخير امن اللذي يزرع فددولا خير في اللي مع بني عمه عن الواجب صدود
والله يود الخير للي عنده لغيره وددوالله يضد اللي مع المخطي على ربعه ضدود
والقاف تم اللي بنيت ابدايته على اددوانهايته وانهاية ابن ادم سوى والفظ دود
ردّ ضيف الله بن سويلم العتيبي
ضيف الله بن سويلم العتيبي
سر يا قلم واكتب على بيض الورق
سر يا قلم واكتب على بيض الورقشعر الفصاحه والنبط مشمول بحروف المدود
للشاعر اللي مثل حد السيف ما يبغى حددهو عزوتي فالواجبات القاه كالسيف محدود
اللي يحد القاف حدٍ ما جرى مثله حددكبل قوافيه الجدد حتى اصبح القاف محدود
جدد كما بدوٍ من المرباع يبغون الجدديقطف ثمر ينقش حجر غاص البحر ماهو محدود
أرسل لي ابياتٍ كما الياقوت ما عنها صددمالي عذر هذا ولد عمي ليا عد العدود
عذب الكلام أحلى من البرحي على وقت الجددليا جابه الراقي من النخله بعد جده جدود
كم شاعرٍ شعره بقي مده ويتبعها مددوانته من اللي شعرهم يبقى على مر المدود
عسى عيونٍ تتبع الغرات يعميها السددوايضا عيون الحاسدين تسدها كل السدود
اصل الحصان اللي يفد يفوز من قوى الفددعند آخر المضمار بالميدان يشتد الفدود
والفارس المغوار مع شدت عنانه يشتددلو ما اشتدد يمكن يخالف سرجها لولا الشدود
من شأن نقطع دابر الارهاب أعددنا العددجميع ما يقضي على الفتنه مجهز ومعدود
بعض العرب عقب التقدم طاش فكره وارتددمثل اللذي جهز شداده للذلول بلا بدود
كم من عنيدٍ طاح والطيحه على وجهه مددوبعد سقط حظه سقط ما قام من بعد المدود
والانس مثل الجن في صح وخطأ كانوا قددكانوا طرائق صالحين ودون ذلك بالقدود
والذيب فالامثال ما يأكل يده مهما احتددوالفار مهما كان ما يؤمن بتخريب السدود
والحر فالهجمه يخلي ريش صيداته بددوالخرب الابرق ما يطير إن شاهد الحر مهدود
واللي يكد التكس ما يجمع رصيد من الكددلو جاب رد ورد ما يجمع رصيد من الردود
من لا يحوش المرجله ينقد جيب أمه قددوايضا خواته ومرته راحت ملابسهن قدود
ومن لا تقاضى حي ما فاده ليا مات السددمهما يكون من السدد ما ينفعه كثر السدود
الرد جاك اسرع من الارماش في لمحة لددعينٍ تلد النا نلد الها ونظرتنا لدود