يالله ياللي مابه الا انت دايم
يالله ياللي مابه الا انت دايماعصم لساني عن كلام الاثاما
يا علي لي مدة عن الشعر صايموغيري رجالٍ يالسنافي صياما
ولو أعتزل ما خفت من لوم لايمالبعد عن سوق الضلاله وساما
ودي بسجه في فجوج الخرايموسط الربيع مع النفل والخزاما
في أرضٍ من الوسمي عليها قدايمفي سدرها تسمع هديل الحماما
والجو صحو أحيان وأحيان غايموأحيان يمطر من مزون الغماما
لفحة عبير مذعذعات النسايمتنعش فؤاد اللي همومه تراما
في صف من فعله يزيل اللوايمأمثال ابو تركي وريس جهاما
عند العظيم تهون كل العظايموعند الصغير تصير مثل الحلاما
ياعلي كم وكم وافي خصايماللي تعلو فوق عال السناما
ابا أبتعد عن من يقول الظلايممن يظلم المسلم غشاه الملاما
اللي يسبون النشاما هلايموسب الهلايم ما يضر النشاما
سود الوجيه مروجين النمايميأخذ من أمثاله ويعطي كلاما
حطوا لحوم الناس مثل الولايمبالظلم ينبش باليات العظاما
نترك غراب البين فالجو حايمإن حام وان ما حام برد وسلاما
راع الربا ماهو بويا الغنايماللي فلوسه بالمرابى تناما
والمرجله تحتاج حظ وعزايمودين وكرم والله يحب الكراما
ومن حبه الله فاز والحظ قايمورزقه كفيلٍ به كفيل اليتاما
واسلم عدد مبدأ نجوم النعايموبلّغ سلامي للربوع الحشاما
ردود ومجاراات على هذه القصيدة