ضيف الله بن سويلم العتيبي

الشيخ حط الضان شرقي الأفلاج

الشيخ حط الضان شرقي الأفلاجويبغى معاشه بالحرس يم حايل

عس الجنوب وشال والصبح ممباجوأصبح دليله من خيار الدلايل

وراحوا مراح مقاط ما عاد يحتاجإلا أنهم ردوا براي الصمايل

وحتار بين الفرق وأعمال الأفواجولا عاد يعرف ديرته والقبايل

وقفلها الوايت كما عين هداجوفاء بحق الضان وآف الخصايل

محيل له سواق وسعيد هراجونايف ينظّم له خطوط الرسايل

في صلحته للضان يستاهل التاجوغير الغنم ما حدٍ ذكر له فعايل

وأنا ما ألوم مصلحة سمر الأنعاجبنت الرخيم إلها عليهم فضائل

والله للا فيحان ما نشد عن الداجلا ناشدٍ عنهم ولاني بسـايل

بعض الرجال يدوّخك هرج وعلاجماشي على فكره ولو كان عايل

ردّ محيل بن سويلم العتيبي

محيل بن سويلم العتيبي

رد

جانا من الشاعر تهديد وزعاجتهدّد مدري عليّا وسايل

مدري يبي ياخذ بنا جانب العاجولا يفسح خاطره بالمثايل

والا مسبّله علينا بمدراجومرخٍ سموغه بين قيل وقايل

ياللي تسب البدو ما معك مخراجهم هل الشيمة وكسب الجمايل

مقدّمت للضيف من كل ما يحتاجهيل وبن وغير عدة فضايل

وسوالف لين أول الصبح ينباجوكبش يجيبونه عيال الحمايل

ما قدّموا للضيف فولٍ ودجاجوخس وجرجيرٍ وغيره مسايل

يوم الدهر جاله عليكم تعجعاجزرنا الربيع مع الرجال الأوايل

وإن كان رب البيت عجّل بالفراجوقالوا من الحمة ليا ظلم سايل

شلنا على مثل الشياهين الأمراجوتنهض أصدورهن بالحمايل

نبا على طخفة وحسلات مدلاجوطوارف الوادي وهاك المسائل

والشيخ في مهد الذهب ينتج إنتاجينتج له إنتاجٍ يهيل الهوايل

وجمس ملبّس المراتب إبديباجوينظم أبيوتٍ بين عدل ومايل