تراحيب بن سويلم العتيبي
يالله يامعبود ياخير مطلوب
يالله يا معبود يا خير مطلوبتشفي مريضٍ صاب جسمه نحولا
واغفر لنا ياغافرٍ ذنب مذنوبيرجى كرم جودك ظلومٍ جهولا
سيرت ابا المكسب وعودت مكسوبما فادني قولٍ يقول العذولا
ما كان جيت لدارهم مير مكتوبما عاد ينفع قول لولا ولولا
يا عين حرٍ من مجانيه مجذوبمن ماكر ٍ مجناه صعب الوصولا
العين صوبي واتجاهه على صوبمن قال حولا قلت ماهي بحولا
ريان عود وكامل الوصف مصبوبعين الوحش والعنق عنق الجفولا
قالت لمندوب ٍ و صل بعد مندوبمافيه داعي يوم يرسل رسولا
من خوف يتهمني بميعاد عرقوبإن قدر الله جيت لو محمولا
اجيه طولي ما البس الثوب مقلوبخل العرب يدرون ذولا وذولا
حب ٍ على وضح النقاء مابه عيوبأعلن غلا الغالي ولاني خجولا
وفنجال شيخ مروج الحكي مشروبيشهد على قولي شهود ٍ عدولا
مجاراة محيل بن سويلم العتيبي
محيل بن سويلم العتيبي
ضيف الله اسند لي تماثيل وعجوب
ضيف الله اسند لي تماثيل وعجوبوعجبت من قاف الكرام الزحولا
يقول: عودٍ من هواء البيض مصيوببعد ضعف جسمه وصابه خمولا
عودٍ شرب له من غرام الهواء كوببعد بلغ بالعمر سنّ الكهولا
كوبٍ شرب منه الوضاحي ومحبوبوقفوا من الدنيا سراعٍ عجولا
ما فادهم شربه ولو كان مرغوبمرّ مذاقه لو لقوه معسولا
كوبٍ بعض سمّ الدجا فيه مسكوبومن يشرب العلّة يصير معلولا
لا بد من يومٍ به العبد مرعوبيوم يشيب اللي بسنّ الطفولا
أحدٍ على وجهه مع النار مسحوبوحدٍ يفوز بجنّة عند مولا
من فاز فاز، ومن سقط طاح منكوببايوم عبوسٍ قمطريرٍ يهولا
اعمل ليومٍ فيه تحشر بلا ثوبيفرح به المؤمن ويشقى البطولا
وأطلب من اللي يا فتى يقضي النوبمحيي الديار المسنيات المحولا
يشفي مرض قلبك ليا صار معطوبويصبح نقيّ بالبياض مغسولا
- الشاعر:
- محيل بن سويلم العتيبي
- النوع:
- مجاراة
- المصدر:
- من مجموعة قصائد ضيف الله بن سويلم
ردود ومجاراات أخرى على نفس القصيدة الأصلية