خلك ياسالم تعلم للمطاريش
خلك ياسالم تعلم للمطاريشمقبلت الأيام مدري وش غايبها
زال انها غيم والدنيا رشاريشتبا تعيشون مع ناس تعيشبها
وإن كان صارت مساريح ومغابيشوقامت تصافق على العالم هبايبها
أحدا ييا يسلك المنهاج ويعيشوأحدا يهون ليا شبت شبايبها
بعض العرب عيشته لو عاش حتى ايشمثل البهيمه ماتدري ويش واجبها
يمشون بالمجتمع مثل الدراويشلاحل لاربط لاحسنا تجاوبها
وإن جات بعض العلوم أبلشك تبليشمن سوء حظه ليا زانت يخربها
ثلاث يبني إما حصلتها ليشدين وكرم والشجاعه فاز كاسبها
لاتستمع للنفاق وللوشاويشترى المنافق عقول الناس يقلبها
عمانك أبطال وأخوانك مداغيشوانته تعلم لسالبها وموجبها
الناس كانت تدور لقمة العيشتسري وتجري وقل المال متعبها
واليوم أمان وطمان بغير تشويشفي ظل من ريحونا من مصاعبها
صقر الجزيرة بعد مانفض الريشخلى طيور الولع ترخي مناكبها
وخلى النموره تنام مع الأكاديشوالذيب يرقد مع النعجة مصاحبها
وخلف صقورا يروون المعاطيشإن غاب واحد ليا الآخر مقاضبها
نقوا بلدهم من الطغيان والطيشأمست بعد فعلهم خضرا جوانبها
وصلاة ربي عدد وبل المراهيشعلى نبيا أصول الدين كاتبها
- الشاعر:
- محيل بن سويلم العتيبي
- المصدر:
- أرشيف تغريدات محيل بن سويلم العتيبي (@mohaiil)