إهداء للشيخ بدر بن جدي بن زريبة
يابدر سميتك على بدر من شانتصير مثله بالعلوم العجيبيه
أن جيت مثله فزت بطير حورانهذاك ماتصعب عليه الصعيبيه
مورد حبال اللي ييا الماء وعطشانلصار حبله قاصر(ن) عن قليبه
شيخن من اللي شيخته ورث جدانماهو من اللي مشيختهم قريبيه
سلالت اللي يوم زوغات الأذهانرد البري وقت الليال العصيبيه
يوم(ن) تلاقتبه عتيبه وقحطانودارت رحى حربة قبيلة عتيبه
وحمي الوطيس وصار بالجو دخانيومن الشبع بالكون طيره وذيبه
يامانذبح من سابقن مالها أثمانومن فارسن وقت اللقاء ينعديبه
بظرب السيوف المرفهة وأدهم الزانوشلف مضاربها أوساعن عطيبه
الزلم مابين الطرفين نطلانمثل خشب دارن سناون شعيبه
وقر القرير وصار للفعل برهانالكل من هاك الزمان يحكيبه
وكلن عرف حده بعد كان ماكانوأخذ(ن) من الميدان وأفر نصيبه
والعز يبقا والفخر لبوسلطانعساه مانسمع عليه الغليبه
يبقا لنا ذخرن على مر الأزماننورن لياجاء ظلمتن نقتديبه
في ظل حكام(ن) حمو كل الأوطاناللي لهم قدر ومعزه وهيبه
المملكة في ظلهم بأمن وأمانحامين هيبة مملكتنا الحبيبه
حامينها من كل حاسد وخوانومن كل حاقد للوطن مادريبه
كم حاقدن قلبه من الغل مرضانلو أيتعالج مايفيده طبيبه
وصلوا على المبعوث للأنس والجانرسولنا اللي للوطن هدية طيبه
اللي ظهر دينه على كل الأديانفي قصة المعراج ليلة أسريبه
- الشاعر:
- محيل بن سويلم العتيبي
- المناسبة:
- إهداء إلى شيخ قبيلتي الجذعان والسياحين الشيخ بدر بن جدي بن زريبة
- المصدر:
- أرشيف تغريدات محيل بن سويلم العتيبي (@mohaiil)