مرثية الشيخ بدر

محيل بن سويلم العتيبي

يالله يا عالم خفيات الأسراريا واحد كل المخاليق ترجيه

الخلق خلقك وأنته النافع الضارمن شيت عذبته ومن شيت تنجيه

ألطف بنا وأستر علينا ياستارمن شر نكبات الزمان وبلاويه

واليا بعثنا وشخصت كل الأبصارنصير في من ظل عرشك مغطيه

يابدر وين اللي لهم عندنا كارراحوا وبقا ذكرهم يوم نطريه

اللي لهم شيمه وقيمه ومقداروالكل منهم ما تعدد حسانيه

اقفت بهم سود اليالي والأقدارمن راح منهم راح في حكم واليه

مرحوم ياشيخ قضى العمر مابارالله على سنة نبيه مقديه

أبو مناحي مكرم الضيف والجاريا عنك ما تكره ليا جيت ناصيه

عز الرفيق وللمعادين قهارعوق الخصيم اللي كبار هقاويه

عوق الخصيم أن صار بالعلم ماصارمن عانده بالميسم الحار يكويه

عساه ما يعرض على واهج الناربجاه الإله اللي يميته ويحييه

في جنة الفردوس يجنيله أثمارومن حوض سيدنا بيمناه يسقيه

أسلالة اللي يوم عج الدخن ثاريم الخرج رد البراء فوق راعيه

أزريب وأن ركبوا على قب الأمهارما يسنح المركاظ ولا يباريه

يضربه الغبات في كل مغواروالرمح من دم المجوخ يحنيه

ولاخاب من عقب له عيال خيارتاصل مواصيله وتسعى مساعيه

مثلك ومثل سعود وافين الأشبارومناحي اللي ما يخيب أملنا فيه

حملت حملا يا بدر كبر سنجاروالله يعينك كايد الحمل قاويه

فيك القبيله ركزت كل الأنظاريبون حاضرهم يجي مثل ماضيه

ولأنته بفي تصريف الأشياء بمحتارولا عايز مني وصيه وتوجيه

لكن أعبر عن شعوري بالأشعاروالكل منكم من على أبوه نغليه

هذا وصلى الله على سيد الأبراروما قدر المولى على العبد راضيه