رد على ابنه عبدالله (الوضح)

محيل بن سويلم العتيبي

عبدالله ابن محيل ابن دار التفاكيروسوا حروف عاليا مستواها

بوضح مثل لون البرد شكلهن غيرجرد الرقاب اللي طوالا خطاها

ارقابهن اطوال ولهن دناقيرولا يلحق المدعول نابي قراها

ليا منهن راجن يبن المقاهيريازين لدة وجهها مع قفاها

في عبلة جاين عليها شخاتيروراع الغنم ماطبها من ثراها

ما كف سفوه والحوم والدعيثيرليا حسلة ام الس واللي وراها

وتعاطفن اكبارها والابكيروالكل قام بطاسته وامتلاها

ذي زهرة الدنيا وهي مابها خيردنياً قريب من صفاها فناها

اخير منها ركعتين بتبكيرقبل صلاة الصبح يسمع نداها

قد قالها حميد ابن حميد المناعيرمعش الذياب الجايعه مع جراها

بضرب الرماح وضرب حد البواتيروشلف مضاربها مايلقى دواها

وعتيبة الهيلا كعام الطوابيرقدام حكم ابن سعود يغطاها

قدام ابو تركي يجر المجاريرويلم شمل المملكة ويحماها

من اليدين العابثة والجماهيراللي مايعرف صحها من خطاها

عساه ما يحشر بزمرة زمهريرفي جنة الفردوس يجني جناها

وعقبه عياله زودوها بتطويركل على دوره يجدد بناها

والشعر يابني والغنا والمزاميرماتستويلك يافتى من صباها

تعلم القران واقرا التفاسيرواحفظ لما قيل البخاري رواها

تراك تفلك مع وجيهٍ مسافيروارجي لك التوفيق في منتهاها