نصيحة لسعد الامهود باقتناء الابل
قولو لبو علوش مهج الجياعيليا هبت النكبا على الطفل والعود
ترا الغنم معاد فيها متاعيتخون راعيها ليا صرب العود
ييبعها لوقيل له ماتباعيوان طاعني يحط ما حاش في ذود
ذود مغاتير عليها الرقاعياخشومهنه سود واذيالها سود
كبار الهوام نحورهنه وساعيطوالاً غواربها سناداً بها زود
ليا اقبلت لنش ركزله شراعيوان أدبرت مزن من الصيف منضود
خلاقها سبحانه امره مطاعياللي خلق عيسى وموسى وداود
جمع بها حسن النظر ولطباعيتمشي على طق العصى يابن الامهود
ليا سمعت الراعي قامت له تراعينظرة وزير ناقدله بمنقود
حليبها يبري الكبود الوجاعيمن يوم يحلب سكره فيه موجود
وصلو على من كان لدين داعيماغرهد القمري وماهبت النود
- الشاعر:
- محيل بن سويلم العتيبي
- المناسبة:
- نصيحة للشاعر سعد الامهود باقتناء الإبل بدل الغنم
- المصدر:
- أرشيف تغريدات محيل بن سويلم العتيبي (@mohaiil)