نياق مغاتير
شريت لي عدة نياق مغاتيرشريت لهن بعير من عند هزاع
اباانطح النادر زبون المخاسيريقضي اللزوم اليا ارتعد كل مرتاع
ابا من الوضح التلاد المشاهيراللي بوسط المملكه صيتها ذاع
فحولها منها ولافيه تغييرمن ميلة الهيلا على نجد لساع
ابو وجد وجد جد بتقاريرماجمعه منا ومنا تجماع
اسنامهن عن الغوارب مواخيروغوارب نساع ونحور اوساع
عزل الشداد اللي يقولون لاميرماهثلها فالابل تاتا على القاع
يوم السنين القاسيات المعاسيرحامينها الروسان من كل طماع
بالرمح والشلفا وغز القناطيروحدب السيوف اللي تلامع تلماع
واليوم في ظل الملوك المناعيرمعدلة خطو المخالف اليا طاع
عبدالعزيز مصخر الضد تصخيرضرب بحد السيف لين الصعب طاع
وزال الظلام ونور الحق تنويرواقام فيها الشرع والحق ماضاع
وابناه سارومع طريقه على خيربالراي والحكمه وفي كل الاوضاع
وانا نياقي عندي الهن تقديرعندي غلاها ساكنن بين الاضلاع
ابا بهنه مع عتيبه تعابيردام الحياة ابا اتمتع تماع
وصلو على المختار ما غرد الطيرعلى نبي للمخاليق شفاع
- الشاعر:
- محيل بن سويلم العتيبي
- المصدر:
- أرشيف تغريدات محيل بن سويلم العتيبي (@mohaiil)