إهداء للشيخ سعود بن جدي بن زريبة
انا ليا بغيت الوناسهسيرت للي مايكدر ونيسه
اروح لأهل الطيب واهل السياسهماروح يم اهل العلوم الخسيسه
سيرت يم سعود لا غاب راسهعوق الخصيم اليا رقصله بليسه
ابو جدي شيخه ومركز رياسهاليا غطت الظلما القلوب الغطيسه
امارته من صلب جده وساسهجاته بحد السيف ماجات بسيسه
زريب اخذها بالقنا والفراسهبعد ذبح مليم بليا رسيسه
ورد البرى على ابن هادي وداسهفي نجد يوم الحرب حامي وطيسة
رد البرى فوقه على قو باسهحامن من العارض اليا أدنى اللميسه
ماقلتها قصدي مدور لحاسهنفسي عزيزه ماتحب الفطيسه
لكن اعبر عن ضميري إحساسهاشوف لي غيره ودنياً تعيسه
وقتٍ ماتعرف فضته من نحاسهودنياً بها العالم غاديتٍ حويسه
فيها لبيب القلب يفقد نعاسهالثعل يفرس والذيابه فريسه
والصبر مر ليا تعدا قياسهوالعاقل الفاهم يشيله بكيسه
- الشاعر:
- محيل بن سويلم العتيبي
- المصدر:
- أرشيف تغريدات محيل بن سويلم العتيبي (@mohaiil)