ناج الكريم بوقت الاسحار
ناج الكريم بوقت الاسحارناجه يغنيك من فضلة عن اصحاب وأقراب
ليا جاك محتاج يبي منك حاجهاما عطه ولا اعتذر منه بآداب
لاتبشره بشرى تعود سماجهوقام يتحرى للفرج والفرج غاب
والصدق يطلع في نهار المواجهويبين ضحك الصدق من ضحكة الناب
والما قراحة يختلف عن هماجهيعرف اليا ذيق الطعم يذا الالباب
رميت لي رمئ يثور عجاجهولا كلِّ من يرم الهدف بالسهم صاب
ولا كل مرضان يحصل إعلاجهلو جمعوا كل العلاجات ماطاب
وعديتها للي طليق احجاجهصالح ولد مفرس ليا صكوا الباب
عنده مفاتيحه وعنده اسياجهفتحله الله في عدن كل الابواب
وليا دخل فيها يحصل مزاجهويجزى بحور العين والعرب الاتراب
والضيق مايبطي ياسرع انفراجهوصلوا على المختار واله والاصحاب
- الشاعر:
- محيل بن سويلم العتيبي
- المصدر:
- أرشيف تغريدات محيل بن سويلم العتيبي (@mohaiil)