ضيف الله بن سويلم العتيبي

الله من قلبٍ همومه تناشا

الله من قلبٍ همومه تناشاوالفكر من كثر الهواجيس مدهوش

قلب العنا عيّت همومه تلاشايسرح بقنطوشا ويضوي بقنطوش

وعين قزّت عن نومها فالفراشاتقول ينحشّها عن النوم ناحوش

كل النفوس إلها على الله معاشامن يخلق الخلّاق ما يتركه بوش

لكن يجرحني كلام الهباشاهرج الخدوش يخلّي القلب مخدوش

مالي ومال مدوّرين النقاشاسوات مربوش نشبله بدعشوش

وأبي أبتعد عن قربهم وأتحاشاولاني بنايشهم ولا نقبل النوش

الرجل يصحب رجل وإلا بلاشامن صاحب الأنذال مغشوش مغشوش

وربعي رجالٍ قدرهم ما يناشاصموت الرجال أهل النقاء مثل علوش

ردّ محيل بن سويلم العتيبي

محيل بن سويلم العتيبي

رد

ليّا جاء الكلام الصدق ما أقول حاشاأنا معارضتي ليّا صار مدغوش

والطيب لهل الطيب ما به معاشاما هو بسلعة بيع ينباع بقروش

لو هو لسوم وبيع شروه كاشاوإلا خذوه اللي يهوشون بالهوش

ولا هوب يؤخذ بالحيل والمخاشايؤخذ بفعلٍ يجهله كل دعشوش

وسقوا ليا قام السحاب يتناشاوالليل كله صار هثهاث ورشوش

ثم أصبحت شعبان حسله تماشاوواد الجرير أمسى من العشب مفروش

ريح البختري فيه ينعش نعاشاوتعاقب النوار تقول منقوش

والطير غرّد في صباحه وعاشاوبيت الشعر يبنى بعبله ماهب حوش

ونار حطبها عرن قام يتواشاودلال رسلان بها الهيل مفقوش

في مجلسٍ ما فيه خبلاً ولاشاما فيهم الخايب ولا فيهم أدفوش

ربعٍ مشاكيلٍ كرامٍ أهشاشالطّامة العايل ليا طاش به طوش

وخلك بعز ولا تطب الهلاشالا بد يصبح كل منفوخ مفشوش

هذا وصلّوا عدّ وبلّ الرشاشاعلى طه ما حيش يوم النحر حوش