بدع نواف بن مسلط العازمي · 2022

يامحمد الوقت مدري وش يخبي وراه

يامحمد الوقت مدري وش يخبي وراهقامت علينا الليالي تضرس سنونها

قسى علينا الزمان وحطنا محتواهيالين قمنا ندرجها على هونها

الي منول ينادي للسعد والصلاهويقول صلاه ربي لاتخلونها

ماعاد يظهر زكاته يوم ربي عطاهضاعت حقوق الاوادم عند مامونها

الفوضويه وحب الذات سوت سواهماعاد نعرف مصدقها ومجنونها

الناس قامت تميز بين هذا وذاهوتشوف فيها القشر في محجر عيونها

تضحك مع الرجل لين انه يبيح خفاهوتصد لاباح خافيها و مكنونها

وتثنى على الي يقلط للنشامى عشاهوتذمه اليا ملت من زاده بطونها

كم واحد قد تفيو تحت فيه عصاهشقرت عصاه ويمينه طاح حاجونها

والي منول اله ماعاد نرهي علاهوالي عليه الهقاوي ماثنى دونها

والي ملكه معروفي ماملكني رضاهوالي عطيته عيوني قال ياخونها

والغالي الي دمحنا زلته من غلاهمبى الشماته على شرواه يطرونها

الي ورى عوج صدري يامحمد وراهلو انها جوف صدري شبر طعونها

قامت تمادى الخبول ملهيين الرعاهماباقي الا تدف الضلع بقرونها

ماعاد به شي نجدد بقاه وولاهالا كما الرفقه الي مااختلف لونها

شرواك يامحمد انته وابو عبدالالهونايف وابو جاسم الي ثبتت ركونها

نبى نسج القدم في نجد دار الدهاهانته مخيّر على الرحله ودندونها

ردّ محمد ضيف الله بن سويلم العتيبي

ردّ محمد ضيف الله بن سويلم العتيبي · 2022

جتني قصيدة تشد العقل والإنتباه

جتني قصيدة تشد العقل والإنتباهمن فاخرات القصيد وندّر عيونها

من شاعرٍ معتبر من روس قوم ورواةجزيل الأمداح ربعي يستحقونها

تاريخ ساسه مبادي بالفخر مبتداهواليوم تقطف ثمار العز في حصونها

يا صاحبي والزمن ما جاك شايل حصاةلو إنّ دوراته العالم ما ينسونها

حنّا بلينا بعالم يحسبون الحياةمافيه رزقٍ من الله غير بصحونها

إن طبت ضاقوا وشالوا كبر ضلع السراةحتى لو الطيّبة جتهم ما يبغونها

وإن جابه الحظ كنّه حاضرته الوفاةهشيم قاعٍ ما يحيى لو بيسقونها

وإن قلت هذا طريق المرجلة قال هاهصوّخ يا لين السماء خليت من مزونها

العز زرقة سهم والرزق هيبة وجاهوالمرجلة ما هي بطبخة تسوونها

الرجل ماهوب مجبر يشتهر من رداهالمرجلة عشقها قومٍ يعمرونها

الدين والصدق والإخلاص سر النجاةوالتربية والسلوم البيض تحمونها

نردّ حمزة وننصح عاكس الإتجاهونشيل في أغلاطها ونسدّد ديونها

والله ما نرجيه يثمر فيه ولا اشبهاهذي تربية عود بأقضي عمري أصونها

أزيد بالطيب والخايب يزيد بوذاهطويق ما عدّ صاحيها وملعونها

وأنته وشرواك يا نواف عز وغناةخوّة على الطيب والرفقة تعزّونها

اقلط وتلقى الشنار موصلٍ منتهاهوالربع جتهم قصايدنا ويوحونها