لو تنفع الشاعر بنات افكاره

محمد ضيف الله بن سويلم العتيبي

لو تنفع الشاعر بنات افكارهاليا دعا الموقف وفكّ زراره

ماكان يسري ليلةٍ ماتسرىلين الصباح يصافحه بانواره

ولا كان صدره بالطواري يطبخكنّه مقرّب دلته من ناره

ما ينفع الشاعر ياكود حزامهطرح النوادر مثل طرح الشارة

من شان ميقافٍ ماهو حيّا اللهحيا الله بدار الكرم خطاره

يا مرحبا باسمي واسم شيبانياعداد ما هلّا كريم بداره

ترحيبٍ أحلى من حليب المصغرتارة ومن شهدٍ مصفّى تارة

يا مرحبا لو كان يفنى المرحبمن معجم الرازي ومن مختاره

ترحيبنا اللي في الوجوب يجمّلالعود قبله والشحم باثاره

العين هلّت واللسان يرحّبوالقلب يرسل للقلوب إشارة

الله يحيّيكم تحايا الماطرغيث القلوب إن حول بغزارة

خلّى هشيم القاع مثل الجنّةشوق العيون عن الدهر وغباره

والله يحييكم عدد ما حيّاشرواكم بشرواكم وزوّاره

في ليلةٍ فيها الفرح متبجّحمن طيبها يعطى عليها بشارة

عنوانها بسم الله وماشاء اللهوالأرض رحبة والسماء مدرارة

في حفل من سجّوا طريق القمّةما جنبوا فأيمنه ولا يساره

ما كل دربٍ للمعالي يوصلبعض السكك يبغى لها كفارة

من لا حفظ ربه يتيه بدربهبين الفتن وابليس والأمارة

والدين ساس المرجلة بالمجملمافيه طيب ودين بالقطارة

الله يبارك للحرار الندّرهذي فعايلهم على الصدارة

عبد الرحيم اللي تحدى الكايدفي الصاعقة لين استلم قراره

لولا سطر راسه وقوه باسهما كان مركزهم من ١٠٠٠ اختاره

ما كرّموه الا وهو يستاهلترّب صبيٍ ما تسر اخباره

وثامر نجومه ترتفع بمتونهيزيدها ما زادت بمقداره

ما يرفع المنصب قليل الحيلةولا عز من هو هافيٍ مقداره

ثامر نجم على خطى جدانهحدد طريقه للنجاح وساره

نجوم قبل نجومهم لا تعرفمن قبل ناسا يخترع مسباره

المجد ما يبنى بيوم وليلةقصة كفاح وعمر ماهو فاره

ماهيب تكفيهم حروف الشاعرلو إنّه يحضّر بنات أفكاره

لكن هلا واعداد ما قد رحّبشرواكم بشرواكم وزوّاره