عواض بن سويلم
قصيدة خلان الرخا
بالله يا فواز حضّر لي القلمغنّيت لي قافٍ من القلب جانبه
وخلّ القلم يكتب من الشعر ما طراعلى القلب من جور الزمان وغرائبه
يا ما كثر الأصحاب في ساعة الرخاءويقلون في وقت اللزوم ونوائبه
وقد قالها قدّامنا راعي المثلوالأمثال ما تمحى والأرواح غايبه
ولا تنخدع في ضحكة السن يا فتىتراها كما برقٍ تقافت سحائبه
ما كل من يضحك للأجواد صادقولا كل هقوات الرياجيل صايبه
يقوله اللي شاف من وقته الجفاءمن بعض أصاحيبه وبعض قرايبه
ولا إني بندمانا على الطيب فالعربنفسٍ تعمل الطيب ماهيب خايبه
والناس معادن وكلٍ ومعدنهكلٍ حسب صلبه وحسب ترائبه
لكن الغريب إن الوفاء بعضه اختفاءوالظاهر إنه مقفيّاتٍ ركايبه
وأنا راس مالي عزة النفس والثقةوالأيمان باللي ما تقطع وهائبه
وهذا قليلاً من كثيرٍ عرفتهرغم صغر سني لحيتي منه شايبه
وصلاة ربي عدّ ما ذعذع الهواءعلى محمد عدّ ما ذاري هبائبه
مجاراة ضيف الله بن سويلم العتيبي
ضيف الله بن سويلم العتيبي
المجاراة الأولى (رداً على عواض)
عواضٍ شاف من التجارب عجائبوفكر بدورات الزمان وعجائبه
وكسب فوائد في حياته كثيرهوشلون لو سنه مثل سن شائبه
ماجور ياقلبا شكى لوعت الجفاءاللي من أقصى الناس واللي حبائبه
يابو علي ماقلت غير الحقيقةواللي حصلك ماعرفنا سبائبه
ياكثر خلان الرخاء لو تعدهملكن عن بذل المعارف هائبه
مايدرك المعروف من لاتعبلهالأبعد يتعب وتنعب نجائبه
ومن يعمل المعروف في غير صاحبشمعة ضياً في سنا الصبح ذائبه
قد قالها قبلي مجرب وشاعروأخذ حسين القول وترك شوائبه
والناس ياعواض فيهم وفيهمبه أخيارا ناس وأبه ناس عائبه
والرجل يرسي مثل مايرسي الجبلمازعزعه صفق الهواء في زرائبه
بعض العرب شرا بلاخير ماحيتقل حسناته وتكثر مصائبه
حلو اللسان وقلبه أسود من الفحموفي غيبة الشيطان يكون نائبه
والله غني ابعزت النفس والشرفمدام رأسي ماتعلت نصائبه
- الشاعر:
- ضيف الله بن سويلم العتيبي
- النوع:
- مجاراة
- المصدر:
- أرشيف تغريدات محيل بن سويلم العتيبي (@mohaiil)
ردود ومجاراات أخرى على نفس القصيدة الأصلية