سم يا هاجوس شعرٍ له شهر وشويّة

محمد ضيف الله بن سويلم العتيبي

سم يا هاجوس شعرٍ له شهر وشويّةياخذ ويرجع وانا في ذمتي ضامنها

متكّل بالله ثم بأفكاري الشعريّةلو بغيت أرقىٰ سما بالمفردة وأدفنها

يا خيالي لو دروبك بالوعر ممليّةسكّة الإبداع جوّدها وسجّ أيمنها

تعرض الأفكار قدامي تقل منقيّةندّر الندّر ليا مرّت نقيت أزينها

ولو أشوف إن المنابر سهلة وعاديّةوالله الظاهر يا بعض الناس يجفل منها

القصيد اللي ما يصدح بالحقيقة ضيّهبندقٍ في يد غشيم ولا عرف يمّنها

مفردة وزن ومعاني جزلّة وقافيّةوشاعرٍ يقدر بفن وموهبة يازنها

هاجسي والمحفل الفاخر دعا داعيّهدعوةٍ من روس ربعي يسلم مدوّنها

يا سلامي يا رجال العز والجاهيةيا دهاةٍ تآمر إن حمي الوطيس وتنهىٰ

لاسمهم على الكرم والمفخرة ماريّةمن ذخر جدّي مصوّي والعواذل هنها

والمجالس للطراقي مثل نارٍ حيّةيقلط ويبشر بهم والكايدة ما أهونها

شبّة الصبح وغداء ومهيّلة عصريّةوقهوة المغرب ويقفاها العشاء ما عنها

ومحفل الليلة غلاته من غلا راعيّهما تغيّر معدنه والناس من معدنها

تركي الوجه الطليق وتركي أبيض نيّةتركي أبشر سم تم وعلّم وبيّنها

راعي اقلط مرحبا مليون يالله حيّهلو حداه الوقت غير المرحبا ما أعلنها

يطبّخ رأسه نعارة من سطر وحميّةلا نصوه أهل الحوايج تبشر بمزبنها

وبارك الله للعريس وفاله الذريّةوعاذه الله من عيون أهل الحسد وألسنها

يا حفيد أهل الفعول الجزلة النوعيّةسيرةٍ بالعود الأزرق والنعم زيّنها

من دواهي فزعة الروقة نهار الهيّةالظفر فآلاد عاصي خلقة وديدنها

ولا يهونون القبايل كل زرع وريّهوالرماية فأوسط الميدان من متقنها

كلنا في ظل دولة بالفخر مبنيّةردّها عبد العزيز بحكمته وأمكنها

لين صارت دولةٍ متقدّمة عصريّةيرفع الإسلام موقعها ولا طمّنها

والبلد في حفظ ربّي درّةٍ محميّةوالأمان بهالوطن نعمة ولي ما أثمنها

دون حدّ الدار خيّالة مع الرجليّةنردع زحول العدا ماهوب عاد أجبنها

حوثةٍ مأثر عليها القات فالعقليّةعالمٍ معها خلل فعقولها تامنها ؟

وزمرةٍ تدعم صفوف الخصم لو سريّةالله إنّه لا يخلّي حيّها ويلعنها