يا صاحبي ما علىٰ قدرك وحبّك غبار ..

محمد ضيف الله بن سويلم العتيبي

يا صاحبي ما علىٰ قدرك وحبّك غبار ..يا بوصلة فرحة سنيني ومانشيتها

أكافح الحظ والأعراف والإنكساروأحلامي اللي سرقها الوقت ما أوفيتها

أنا طبيب الجروح اللي ما حصّل عَقاروين الدواء يا قلوب بدمّي أرويتها !

ترىٰ إنقضاء الصبر في الواقع دويّ إنفجار !الله يستر من الضربة وتوقيتها

الكبت ما فاد به سجّة وفكّة زرار !وإم العبيد إن لفت جابت عفاريتها

أنا رهين الظروف وكبرياء الوقار !وأنا رفيق الدروب اللي ما سجّيتها .

أشيل همّك وأحذفه من وراي ويسار !إن كان ما أكحلتها تراي ما أعميتها

أشعلت لك شمعةٍ من واهج الشوق نارأبطت مع النود لين بيدك طفّيتها !

القلب لا تتركه وتراقب الإنهيار !وحدة وثنتين وأربع طعش عدّيتها .

التذكرة سارية مفعول فأقرب مطار !تماكن العمر شدّ إيدك لا مدّيتها ..

يا صاحبي وإن طلبتك لا يزاح الستار !عن وجهك الفاتن وعينيك لبّيتها

يا صاحبي وأنت وجهك صيغة الإعتذاريذوّب الضيقة اللي ما تناسيتها

يا ثالث الميّ والخضرة يا نور الدياريا لستة أحلام من صغري تمنّيتها

يا مشغل البال وشّوله فرضت الحصار ؟!القلب يكفيك ، ردّ أفكاري لبيتها !

أنا أحبّك / وأحبك فوق كل اعتبارلكنّ غيبتك عن عيني ما حبّيتها