سلام يا دارٍ تضاهي للبدر وقت التمام

محمد ضيف الله بن سويلم العتيبي

سلام يا دارٍ تضاهي للبدر وقت التمامللثندوة دار الفخر مرسول من دار النبي

سلام يا دارٍ يزين بها التغنّي والكلامجيتك وأنا فكري وشِعْري والمشاعر مزهبي

دارٍ سكَنت بها وعِشت ولا علىٰ مثلي ملاملو قمت أجرّ لحون شعرٍ للذوايق يِطربي

الثندوة دار الضيافة والمحبّة والسلامالثندوة في صفحة الأمجاد عزٍ يُكتبي

الثندوة دارٍ حباها الله لمروية الحساميوم الديَر والذود والخيل الأصيل المكسبي

الثندوة ساسٍ علىٰ الأرض وعَلَت فوق الغماممنزالها بين الجدي وسهيل مثل الكوكبي

الثندوة طافت ديارٍ عمرها ٢٠٠ عامما كنّها في وسط نجد ألّا دبي وأبو ظبي

دار الكرام اللي يضيفون المراجل والكرامرجّالهم يَشعَب ركاب المرجلة ما يتعبي

ياقف لها لا ثار عجّ الخيل واشتد الزحامقاعد زعيم المرجلة نعم الاسم و المنصبي

الثندوة دار الحبيل اللي رعاها بإهتمامقويّ بأس ولا ثنىٰ عزمه ولا أرخىٰ المنكبي

كانت صحاري قاحلة ماهيب تصلح للأنامقبل يعمرها بالوفاء والجود عال المنسبي

قام ومعه من عزوته ربعٍ مشاكيلٍ حشامعلىٰ النقا والدِّين لبّوا سمّ وآمر وش تبي

واللي يكون الله معه لا من طلب ربّه وقاميبشر بخيرٍ كل ما هبّ النسيم يهبهبي

وقد قال قبلي شاعر الشعّار جعله للرحامالنابغة سَعَد وَلَد جدلان وِلْد الأكلبي

الحاجة اللي برطمت بحْجَاج مِن عاف المناميقلط لها شايب ليا حان الطلب عوّد صبي

يا حيّ والله طيّبٍ يفرض عليك الإحتراممنصىٰ الرجال أهل الوفاء قريب وألّا الأجنبي

وأنا خويّ اللي ينومس ماقفه يامٍ وشامولا صَاحَب الرجل الأبي ياكود رجّالٍ أبي

في كل دارٍ حقّها من الطيب في حرب وسلامومن يجحد أهل الطيب والوقفات والله يهبي

ولا عاد باقي غير كلمة حقّ في مسك الختامعندي طلب ولا أعتقد يصعب عليكم مطلبي

صلّوا علىٰ خير البريّة عدّ من صلّىٰ وصامعلىٰ محمّد صفوة الخلق الرسول اليعربي